topbella

الأحد، ٨ نوفمبر ٢٠٠٩

ألف ليله وليله من وحي مباراة مصر والجزاير




بلغني أيها الملك السعيد:




ذو الرأي الرشيد:




ان فرسان منتخب مصر الشجعان:







هيقابلوا منتخب الجزاير



اللي ان شاء الله مش هيخرج من عندنا كسبان



عملوا المعسكرات في القاهرة وأسوان



وسدوا ودانهم عن القيل والقال



المعلم حط لهم الخطه وخباها عن الأنظار



والحضري بيوضب عرينه عشان يصد الأخطار



وولادنا بيتدربواوكلهم عزيمه واصرار



والمصريين من كل قلوبهم بيدعولهم ليل ونهار



يا رب انصرهم عشان محدش منا يجي له ذبحه


ولا بعد الشر ينهار




****************










أما منتخب الجزاير المغوار:



مغرورين ومتنقزحين وفي تصريحاتهم متأكدين



من فوزهم ومعرفش جايبين الثقه ده منين



بكرة ان شاء الله يا حلوين



لما تيجوا عند المصريين



هنعلمكم درس مفيد عشان أيامكم الجايين



لما نتواضع واحنا ان شاء الله منتصرين



انتوا هتبتسموا غصب عنكم وانتوا مهزومين






أما الاخوة بتوعكم الصحفيين



مخلوش في جهدهم جهد المساكين



وهرونا شتيمه وصور واستفزاز وأسافين



في جرايدهم وفاكرينا هنفضل ساكتين



علي قله أدبهم ودي مش عمايل ناس واعيين



***************







أما اعلامنا الهمام اللي مصيتنا في كل مجال



في الوقت اللي كل الناس لازم يقفوا مع الابطال



وينسوا حساباتهم الشخصيه ويبطلوا فرقعه ونقار



بصينا لقيناهم انقسموا ولكل فريق أنصار



اللي يقولك ندي الجزائريين وردة... ونبقي احنا الأخوة الكبار





واللي رايح لحد عندهم يتودد ويقدم لهم المبادرة و الاعتذار



واللي يقولك نعاملهم بالمثل والبادي أظلم



وكفايه سكوت علي بلاويهم الكتار



وبلاها الأخوة اللي فقعت عين دكتورنا المغوار...



ولو كل واحد قال رأيه وخلاص مكنش يبقا في مشاكل ولا نقار



بس يا خسارة كل واحد شايف كلامه صح



والمخالف له في الرأي لامؤاخذة حمار



وخد عندك شتايم لبعض في كل برنامج وحوار



يا خوانا ده الوقت اللي كل واحد فيكم لازم ينسي مصالحه الشخصيه



وف كلامه يختار



وكفايه تسترزقوا علي قفا الوطنيه اللي بتدعوها



وكلنا عارفين ايه قصدكم البطال



ارجوكم اسكتوا وارحمونا الكام يوم الباقيين



وسيوا المنتخب يركزواحنا كمان سيبونا نركز



في الدعا والتضرع بلا وردة بلا طبله وطار ...




****************





كوكوكوكوووو...

وهنا أدرك شهرزاد لا مؤاخذة الصباح

فمعرفتش تحط منطق وسكتت عن الكلام المباح

********


هناك ١٨ تعليقًا:

غير معرف يقول...

هههههههههههه

جميله ماشاء الله

بس تفتكري مصر هتكسب ؟

اشك :(

sweet angel يقول...

الله جميله الكلمات
ربنا يسمع منك ومصر تكسب والشعب المصري كله يفرح
تقبلي مروري
تحياتي لقلمك

الشعب لابد له من حكومه تشكمه يقول...

يااااااااااااارب نكسب اصل بيتنا هيتنكد اوى:(

ستيتة يقول...

هههههههههههههههههههههههههههههههههه
حلوة قوي قوي يا شهرزاد
ههههههههههههههههههه

يارب يارب ما تكسر بخاطرنا وتشد ضهر ولاد اللزينة لعيبة مصر
وتنور عقل حسن شحاتة
وما تشمت فينا الجزائر وشمال افريقيا والبربر :)

البنفسج الحزين يقول...

فتاة من الصعيد
لا عندي احساس قوي اننا هنفوز ان شاء الله...

sweeet angel
أشكرك وباضم صوتي لصوتك في الدعاء ربنا ينصرنا يا رب...

الشعب لاب له من حكومه تشكمه:
أهلا بيكي في المدونه وان شاء الله بيتكم وبيوت المصريين كلها تبات فرحانه يوم السبت ان شاء الله...

البنفسج الحزين يقول...

دكتورة ستيته الجميله:
يا مرحبا يا مرحبا انا لو عارفه انك هتشرفيني في المدونه كنت فرشت المدونه و بلوج سبوت كله ورد
بجد أهلا بيكي وشكرالكلامك وان شاء الله ربنا هينصرنا ونفوز علي الجزائريين المغرورين قوي دول غايظني قوي يا دكتورة غرورهم وقله أدب الصحفيين بتوعهم وبجد مش عارفه ايه سر الحقد والكرة الدفين ده للمصريين؟؟؟

micheal يقول...

هههههههههههههههههههه...ده أنتي مشكلة
ضحكتيني جدا
رغم أني ليا وجهة نظر مختلفة بعض الشيء عن وجهة نظرك ووجهة نظر الأغلبية عموما
هما مش مجرمين ولا احنا ملايكة
زي ما كتير من وسائل إعلامهم سخنت بزيادة فاحنا عندما المثل
يا بنتي دي وصلت لكليبات عن المباراة معمولة على أغاني حرب أكتوبر والعدوان الثلاثي اللي حاربنا فيهم اسرائيل
ولا اللي قال زي ما حطمنا خط بارليف حنحطم الجزائر
!!
كل ده عته إعلامي
ده ماتش كورة في النهاية
ولو الجزائر صعدت المونديال حشجعها
بييس يعني
:)
تحياتي

البنفسج الحزين يقول...

العميد مايكل ملك الانترفيوهات:

طبعا/ هو ماتش كوووووووووووووووووورة ف الاخر يعني لعب مجرد لعب ...

أنا بس متغاظه من غرور الجماعه بتوع الجزاير قوي

وبرضه متغاظه من الاعلامييين بتوعنا (اللي هما اصلا لا يمتوا للاعلام بصله)أمثال المدعو شوبير اللي بيصطادفي الميه العكرة ...يعني هو اصلا رايح الجزاير عشان يغطي ع القواضي والفضايح بتاعته ويعمل شغل مع الجزائريين وbussinese ويغطي كل ده برداء العروبه والوطنيه حاجه تقرف...
تعرف انا حاسه ان ربنا هيقف جنبنا ونكسبهم عشان غرورهم ده وعشان ظلمهم لينا بس مش أكتر علي الرغم من فرصتهم الاكبر في الفوز يعني ربنا هيربيهم علي ايدينا ان شاء الله ...

mohamed ghalia يقول...

ههههههههههههههه
لالا كده تعصب احنا هنقطعهم بس هههههههههه

blue-wave يقول...

والله رااااااااااااااااااااااائعه
وان شاء الله هانروق الجزائريين يوم السبت
تحياتى

البنفسج الحزين يقول...

محمد غاليه:
تعصب طبعا تعصب
يا مرحب بالتعصب هو في مناسبه كرويه أهم من دي هنتعصب فيها ؟؟؟ وان شاء الله هنفرمهم كمان بعد مانقطعهم..هههههه
تحياتي ليك

blue wave
أهلا وسهلا بيك ومتشكرة جدا لذوقك وان شاء الله هنروقهم أخر روقان بعون الله...

amr imam يقول...

انا اول مرة ازورك بصراحة
بس خلينى اقولك ان كلامك بجد جميل انا مشفتش غير البوست دة والى قبلة الى هى بدونك

بجد رائعة ربنايوفقك
وفى انتظارك دوماااااا

وان شاء الله هنروقهم وهيروحة من هنا
على باريس مش هيعرفة يدخلة الجزائر

البنفسج الحزين يقول...

عمرو امام:
اهلا وسهلا بيك
وباشكرك جدا علي ذوقك

الخوجة يقول...

LA VERITE - Comment l'équipe nationale de football algérienne trompé médias

LA VERITE - Comment l'équipe nationale de football algérienne trompé médias


حقيقة الاعتداء كيف خدع المنتخب الجزائرى الاعلام

THE TRUTH - How did the Algerian national football team deceived media


THE TRUTH - How did the Algerian national football team deceived media
حقيقة الاعتداء كيف خدع المنتخب الجزائرى الاعلام | الخوجة

حقيقة الاعتداء كيف خدع المنتخب الجزائرى الاعلام | الخوجة

VIVA EGYPT- شجع مصر



VIVA EGYPT- شجع مصر

غير معرف يقول...

ليكي تاج عندي

تعالي استلميه
:)

تحياتي

البنفسج الحزين يقول...

فتاة من الصعيد
علم وينفذ يا فندم

غير معرف يقول...

لا بجد كسبتو ههههههههه الف مبرك يا مصرين تسمعو بالمثل الي يقول يمهل ولا يهمل اهو انتو حصل معاكم كده ربنا انتقم منكم عشان الي عملتوه في لعيبت الجزاير

غير معرف يقول...

1.2.3 VIVA L'ALGERIEEEEE