اقروا معايا القصه دي....
استدعى الأسد يوما كل من الذئب والثعلب
لأخذ رأيهما فيما يفعله بثلاثة من الغزلان
أتت اليه كهدية من المملكة المجاورة،
وتوجه بسؤاله الي الذئب
ماذا يفعل بتلك الغزلان؟
فأجابه الذئب بأن يأكل هو واحدة
ثم يمنح الأثنتان للذئب والثعلب بالعدل،
فما كان من الأسد الاّأن استشاط غيظا
وقام بصفعة صفعة قوية أطارت برأسه،
ثم التفت الى الثعلب لسماع رأيه ،
فما كان من الثعلب الاّأن قال له بكل التذلل والأستكانة :
يا سيدي،أنت ملك الغابة وكبير القوم
ولك أن تتصرف فى هديتك كما يحلو لك ،
وان كان لابد من رأيى فواحدة تأكلها فى الأفطار ،
وواحدة تأكلها فى الغداء والثالثة فى العشاء،
فأندهش الأسد من منطقه وسأله:
من علمك الحكمة؟؟
فرد الثعلب فى خبث ،
لقد تعلمت الحكمة من رأس الذئب التى طارت......
يا تري مين في نظركم أفضل
الذئب اللي خسر حياته في سبيل الدفاع عن حقه
ووقف في وش الأسد
وقال للأعورانت أعور في عينه ....
ولا الثعلب اللي طاطي للأسد واتنازل عن حقه
في سبيل الحفاظ علي حياته ...
في مثل مصري بيقول (من خاف سلم)
يا تري وبعد اللي حصل في تونس
متفقين مع المثل ده ولا مختلفين
انا شخصيا مش بتفق مع المثل ده اطلاقا
من خاف ماسلمش ولا حاجه....
من خاف طاطي واتنازل وبقي صيد سهل
وادي فرصه للطغاة والظلمه يستقووا من ضعفه وخوفه
لأ....
لو عشت يوم بكرامتك ومت بعده
أحسن ما تعيش مائه سنه من غير كرامه
والا ايه فايده العيشه وانت مسلوب حقك
ومتداس عليك ومتهانه كرامتك....
مبروك لتونس ولشعب تونس الشجاع
اللي أثبت للعالم كله انه شعب فعلا عنده كرامه
وانهم رجاله بالفعل مش بالاغاني وبس ....
.jpg)
