بلغني أيها الملك السعيد
ذو الرأي الرشيد
أن بلدًا تدعي مصر المحروسه
قعدت تلاتين سنه في الهم محبوسه
قاعد علي قلبها رئيس ماكر
طلع عنين شعبه
والاسم قال حاكم
فقروطوارئ وأميه وجهل فاق الوصف
وأمراض مستوطنه كانت حديث العصر
مسك شئونها لناس فرتوا في الأرض
وسمعه
بعد ما كانت في السما
نزلت لسابع أرض
وطلق عليهم كلابه المجرمين
الاسم أمن والفعل ارهاب وتنكيل
فضلوا يعذبوا في كل صاحب رأي
واللي يموت ملوش ديه
وكله بأوامر القصر
يرد ويقول أجيبلكم منين
أتاريه يا مولاي سارق وناهب
وفي بنوك العجم كانز وزاقق
لأوالأدهي من كده وأمر
ابنه المحروس اسماله عليه
واللي كان بيرتبله يحكم بعديه
كوش وحوش بالمليارات جنيه
ومن أجلك انت وانت يا بيه
يوزععلي حبايبهالأراضي والعقارات
انتفض شعبها وكأنه اتولد من جديد
وبفضل شبابه المثقف الواعي
اللي ع النت قاعد وقاري
عملوا ثورة ع الظلم والفساد
وخلعوا رمز الفساد من حكم البلاد
ومن يومها يا مولاي
وشعب البلد دي خلاص خلع توب الذل
فتح عنيه وطرطق ودانه
وقرر يحاسب كل اللي خانه
وعرف سكه الانتصار
والسر ورا تنفيذ القرار
السر في الاصرار
علي كل مطلب مفيد
في خلق وطن جديد
العدل فيه حاكم
ووحده الصف جوا الميدان
وطول ما الايد في الايد
كل اللي عايزينه ان شاء الله هيتحقق أكيد
وهنا أدرك شهر زاد الصباح
فسكتت عن الكلام المباح
هناك ٩ تعليقات:
تحفة اكثر من رائعة فكرة جميلة وسرد وصياغة اجمل تسلم ايديكى
ومبروك على شكل المدونة رائع
شكرا يا هبه ربنا يخليكي نورتيني
الله عليكي
كأنها حلم او قصه قبل النوم فعلا
بس يارب تكمل علي خير
sony2000:
طب أحلام سعيده بقا ههههه
يا رب ان شاء الله تكمل علي خير وترجع مصر اللي التاريخ كله كان بيحكي عنها أم الدنيا بحق وحقيقي ....
نورتيني
السلام عليكم
أشكرك على لحظات المرح والابتسام وسط هذا الكم من الاضطرابات النفسية والانفعالات المتأرجحة بين شد وجذب عبر الأخبار المتنوعة عن نتائج المعركة بيننا وبين خفافيش الظلام الرابضة في كل جحر وزاوية..
تحياتي اختي الكريمة.
ماجد القاضي:
لا شكر علي واجب ...
معك حق فعلا نعيش جميعا هذه الأيام اضطرابات نفسية ومشاعر متأرجحه ما بين الخوف والقلق والفرحه وسط هذا الكم الهائل من الحقائق التي تكشف لنا يوما بعد يوم ووسط هذا الانفلات وعدم الاستقرار الذي نعيشه هذه الأيام ولكن كل هذا لا يعني اننا نفرح ولو قليلا بثورتناالمجيده وما أوصلتنا اليه هذه الثورة ..
تحياتي ونورتني
وتوتة توتة لسة ماخلصتش الحدوتة
تسلم ايدك حلوة بجد
بجد حلوة :)
صباحك معطر بعبير الحرية :)
إرسال تعليق