وحشتني اوي اوي المدونه ...يا تري لسه في حد فاكر البنفسج الحزين 

الصبر مفتاح الفرج

سيفتح الله بابا كنت تحسبه                     من شده اليأس لم يخلق بمفتاح 

زمان وانا صغير كنت بحلم ابقا كبير

زمااااااااااان وانا صغيره......

كنت بتضايق جداااااا لما ماما تعملي شعري ضفاير وانا رايحه المدرسه....

واقول في نفسي امتي بقا أكبر وابقا حره

اعمل التسريحه اللي انا عايزاها في شعري.....

وكنت كمان لما اروح مع ماما اشتري جزمه جديده

كنت ازن علي ماما علشان اشتري جزمه كعبها عالي شويه صغننين...

واقول امتي بقا أكبر والبس جزمه بكعب عالي زي البنات الكبار....

دلوقتي وبعد ما كبرت.....

ظبطت نفسي كذا مره وانا بعمل شعري ضفاير

وبعد ما جزمي كلها بقت بكعب عالي

بلاقي نفسي دايما

بابص في محلات الجزم علي القسم بتاع الجزم اللي من غير كعب ....

الخلاصه: ألا ليت الطفوله تعود يوماً فأخبرها بما فعل الشبابُ.....

عيد سعيد

أحبائي وأعزائي المدونين وحشتوني جداااا

كل سنه وانتوا طيبين وعيد أضحي سعيد علي الجميع يا رب

وكل سنه ومصر كلها بخير وأمان ورخاء ونهضه...

ادخل بسرعه وشوف الصورة العجيبه

بص في الصورة قويييييييي
و ركز فى ال ثلاث نقط الموجودة على أنف هذة المرآة
لمدة 10 ثوانى
ثم

أنظر بتركيز الى سقف حجرتك
لمدة 15 ثانية

و قولولى ماذا وجدتم !!!

تعلم ازاي تبقي بطاطسايه

عارفين ليه البطاطس المحمرة

هي الاكلة الوحيدة اللي اجتمع الناس كلهم علي حبها ؟

1-البطاطس المحمرة لما بتتقلي في الزيت بتبقي عادة

مقرمشة من برة و طرية من جوة

عشان كدة لما حد يعمل معاك موقف سخن اوي

ماتعملهوش وحش اوي ..ايوة حسسه انك زعلان منه

و خد موقف بس خلي قلبك ابيض و وطري "طيب يعني "

مش ناشف و سامح عشان ربنا بيسامح.

2-البطاطس المحمرة

تلاقيها عند ماكدونالدز ( فرينش فرايس)

و برضه تلاقيها عند بتاع الفول والطعميهيعني

انت كمان خليك زي البطاطساية ماتتكبرش علي حد وصاحب كل الناس غني او فقير3

-البطاطس المحمرة بتتقدم مع حاجات كتير :مايونيز , كاتشب ,صوصات مختلفة و

ساعاتكمان طحينة

بس بتفضل في الاخر اسمها بطااااطس-يعني مهما اتعرضت

لثقافات و بيئات مختلفة احتفظ دايما بشخصيتك المستقلة

و طريقة تربيتك و خلي الناس هية اللي تتاثر بيك

4-البطاطس برضه ممكن تبقي شيبسي و هي اول حاجة بنفكر فيها لما بنحس

بالجوع واحنا برة البيت- ساعد الناس دايما و خليك اول واحد ييجي علي بالهم لما

يقعوا في مشكلة خليك جدع زي "الشيبسي كده

5_البطاطس انواع فى بطاطس محمرة بطاطس مهروسه بطاطس بوريه بطاطس ف الفرنبطاطس سلطه بس ف النهايه هى بطاطس-

انت كمان حاول تبقى انت بشخصيتك بس نوع ف طريقتك مع الناس عشان متبقاش ممل

6-البطاطس المحمرة لو اتهرست بتبقي برضه طعمها حلو و ممكن نسميها "بطاطس بوريه"

-مهما الدنيا تهرس و تبهدل فيك خليك شخص كويس و لذيذ و قول للدنيا "انا بطاطساية بوريه

ببساطة عشان تبقي محبوب من كل الناسخليك بطاطس

مين هيقول انا هبقى بطاطسايه ؟؟

كيس الحلوي

كم مرة في حياتنا كنا نظن بكل ثقة ويقين بأن حكمنا علي الاشياء

اوالاشخاص صحيحه

ولكننا نكتشف متأخرين بأن ذلك لم يكن صحيحا ,

وكم مرة كان غرورنا وثقتنا الزائده في صحه اراءنا سببا في أن نحكم علي الاخرين بغير العدل بعيدا عن الحق والصواب

هذا هو السبب الذي يجعل من الضروري أن نفكر مرتين قبل أن نحكم على الآخرين ...

دعونا دوما نعطي الآخرين آلاف الفرص قبل أن نحكم عليهم بطريقة سيئة.....

نحن بحاجه الي ترك مساحه للشك في ارائنا

واحكامنا علي الاشخاص والاشياء فليس بالضرورة

ان يكون رأينا هو الصواب المحض وحكمنا هو الحكم السديد

ولابد أن نتذكر دوما ان رؤيتنا للأشياء دائما تكون

من جانب واحد بينما يوجد للحقيقه عده أوجه ....

اقرءوا معي هذه القصه

......................

في احدي الليالي جلست سيدة في المطار لعدة ساعات

في انتظار رحله لها

وأثناء فترة انتظارها ذهبت لشراء كتاب

وكيس من الحلوى لتقضي

بهما وقتها,

فجأة وبينما هي متعمقة في القراءة أدركت أن هناك شابة صغيرة

قد جلست بجانبها واختطفت قطعة من كيس الحلوى

الذي كان موضوعا بينهما.

قررت أن تتجاهلها في بداية الأمر,

ولكنها شعرت بالانزعاج عندما كانت تأكل الحلوى

وتنظر في الساعة بينما كانت هذه الشابة تشاركها في الأكل

من الكيس أيضا .

حينها بدأت بالغضب فعلا ثم فكرت في نفسها قائلة

" لو لم أكن امرأة متعلمة وجيدة الأخلاق

لمنحت هذه المتجاسرة عينا سوداء في الحال "

وهكذا في كل مرة كانت تأكل قطعة من الحلوى

كانت الشابة تأكل واحدة أيضا وتستمر المحادثة المستنكرة بين أعينهما وهي متعجبة بما تفعلة ,,

ثم ان الفتاة وبهدوء وبابتسامة خفيفة قامت باختطاف آخر قطعة من الحلوى وقسمتها الى نصفين

فأعطت السيدة نصفا بينما أكلت هي النصف الآخر.

أخذت السيدة القطعة بسرعة وفكرت قائلة

" يالها من وقحة كما أنها غير مؤدبة حتى أنها لم تشكرني ".

بعد ذلك بلحظات سمعت الإعلان عن حلول موعد الرحلة

فجمعت أمتعتها وذهبت إلى بوابة صعود الطائرة

دون أن تلتفت وراءها الى المكان الذي تجلس

فيه تلك السارقة الوقحة . وبعدما صعدت الى الطائرة

ونعمت بجلسة جميلة هادئة أرادت

وضع كتابها الذي قاربت عل إنهائه في الحقيبة ,

وهنا صعقت بالكامل حيث وجدت كيس الحلوى

الذي اشترته موجودا في تلك الحقيبة بدأت تفكر "

يا الهي لقد كان كيس الحلوى ذاك ملكا للشابة

وقد جعلتني أشاركها به", حينها أدركت

وهي متألمة بأنها هي التي كانت وقحة , غير مؤدبة ,

وسارقة أيضا

♥*´¨`*♥♥

النحل السكاري

هل تعلم أن بعض النحل يشرب الخمر ويعاقب عليه!!!!

آية من آيات الله في النحل

في كل يوم يكتشف العلماء شيئاً جديداً في سلوك النحل ويعجبون من الذي علم النحل

هذا السلوك ، ويبقى قول الحق تعالى:

( فاسلكي سبل ربك ذللاً )

لا تنقضي عجائبه ،

لنقرأ.

ومن عجائب النحل ظاهرة يسميها العلماء ظاهرة السُّكر عند النحل ،

فبعض النحل يتناول أثناء رحلاته بعض المواد المخدرة مثل الإيثانول

ethanol

وهي مادة تنتج بعد تخمّر بعض الثمار الناضجة في الطبيعة ،

فتأتي النحلة لتلعق بلسانها قسماً من هذه المواد فتصبح " سكرى "

تماماً مثل البشر، ويمكن أن يستمر تأثير هذه المادة لمدة 48 ساعة .

إن الأعراض التي تحدث عند النحل بعد تعاطيه لهذه " المسكرات "

تشبه الأعراض التي تحدث للإنسان بعد تعاطيه المسكرات ،

ويقول العلماء إن هذه النحلات السكرى تصبح عدوانية ،

ومؤذية لأنها تفسد

العسل وتفرغ فيه هذه المواد المخدرة مما يؤدي إلى تسممه ،

ولكن الله تعالى يصف العسل بأنه ( شفاء ) في قوله تعالى :

(يَخْرُجُ مِنْ بُطُونِهَا شَرَابٌ مُخْتَلِفٌ أَلْوَانُهُ فِيهِ شِفَاءٌ للناس)[النحل: 69].

فماذا هيَّأ الله لهذا العسل ليبقى سليماً ولا يتعرض

لأي مواد سامة؟

طبعاً من رحمة الله تعالى بنا ولأنه جعل في العسل شفاء ،

فمن الطبيعي أن يهيئ الله وسائل للنحل للدفاع عن العسل وبقائه صالحاً للاستخدام .

وهذا ما دفع العلماء لدراسة هذه الظاهرة ومتابعتها خلال 30 عاماً ،

وكان لابد من مراقبة سلوك النحل .

بعد المراقبة الطويلة لاحظوا أن في كل خلية نحل هناك نحلات زودها الله بما يشبه " أجهزة الإنذار"، تستطيع تحسس رائحة النحل السكران وتقاتله وتبعده عن الخلية !!

وتأملوا معي الحكمة التي يتمتع بها عالم النحل ،

حتى النحلة التي تسكر مرفوضة وتطرد بل و" تُجلد "

من قبل بقية النحلات المدافعات ،

أليس النحل أعقل من بعض البشر ؟!

إن النحلات التي تتعاطى هذه المسكرات تصبح سيئة السمعة ،

ولكن إذا ما أفاقت هذه النحلة من سكرتها سُمح لها بالدخول إلى الخلية مباشرة

وذلك بعد أن تتأكد النحلات أن التأثير السام لها قد زال نهائياً.

حتى إن النحلات تضع من أجل مراقبة هذه الظاهرة وتطهر الخلية من أمثال هؤلاء

النحلات تضع ما يسمى "bee bouncers" وهي النحلات التي تقف مدافعة وحارسة

للخلية، وهي تراقب جيداً النحلة التي تتعاطى المسكرات وتعمل على طردها، وإذا

ما عاودت الكرة فإن "الحراس" سيكسرون أرجلها لكي يمنعوها من إعادة تعاطي

المسكرات!!! لقد زود الله تبارك وتعالى النحل "بتجهيزات"

يعرف من خلالها تلك النحلة التي

تعاطت مادة مسكرة (ثمار متخمرة)

فتميزها على الفور وتطردها وتبعدها من الخلية

لكي لا تُفسد العسل الذي تصنعه، وتضع هذه النحلات قوانين صارمة

تعاقب بموجبها

تلك النحلة التي تسكر (تشرب الخمر)،

تبدأ هذه العقوبات من الطرد والإبعاد وتنتهي بكسر الأرجل،

فسبحان الله، حتى النحل يرفض الخمر!!!

المصدر: الموسوعة الحرة.

ويخطر ببالنا السؤال التقليدي الذي نطرحه عندما نرى مثل هذه الظاهرة: مَن الذي علَّم النحل هذا السلوك؟ ربما نجد إشارة قرآنية رائعة إلى أن الله تعالى هو من أمر النحل بسلوك طريق محددة بل وذلَّل لها هذه الطرق، يقول تعالى

مخاطباً النحل: (فَاسْلُكِي سُبُلَ رَبِّكِ ذُلُلًا) [النحل: 69].

وهنا يعجب الإنسان من هذا النظام الفائق الدقة!

ربما نجد فيه إجابة لهؤلاء المعترضين على القوانين التي جاء بها الإسلام

عندما حرَّم تعاطي المسكرات وأمر بجلد شارب الخمر،

فإذا كان النحل يطبق هذا النظام بكل دقة،

أليس الأجدر بنا نحن البشر أن نقتدي بالنحل ؟؟؟؟؟

منقووول

استئناف وعوده

بقالي فترة طويله قوي مش بكتب في المدونه
وحشتني جداااا مدونتي
(البنفسج الحزين)...
ووحشني جدا متابعه تدوينات زملائي المدونين

وان كنت بتابع بس علي خفيف

او ممكن اقرا من غير ما اسيب كومنت
الحقيقه في سببين للاختفاء
السبب الرئيسي:
اني الفترة اللي فاتت كنت حاسه اني محتاجه أسمع وأشوف أكتر ما كنت محتاجه أتكلم !!!
جايز المتابعه تخليني أقدر افهم أو استوعب الحراك الفظيع والسريع اللي البلد بقيت فيه
الاخبار متلاحقه وكل ساعه في جديد يدعو للتأمل وربما يدعوا للعبرة والعظه !!

السبب التاني :
اني بقيت من مدمني الفيس بوك اللي اخدني العالم بتاعه وبقيت بقضي معظم وقتي المخصص للنت علي الفيس وده شغلني شويه عن عالم التدوين....

ان شاء الله الفترة اللي جايه أقدر اتابع عالم التدوين والمدونين واوعدكم ببوستات جديده باذن الله ...

الإناء المشروخ

كان عند إمرأة صينية مسنة إناءين كبيرين تنقل بهما الماء، وتحملهما مربوطين بعمود خشبي على كتفيها.

وكان أحد الإناءين به شرخ والإناء الآخر سليم

ولا ينقص من الماء الذي بداخله شيء .

وفى كل مرة كان الإناء المشروخ يصل إلى نهاية المطاف

من النهر إلى المنزل وبه نصف كمية الماء فقط

ولمدة سنتين كاملتين كان هذا يحدث مع السيدة الصينية،

حيث كانت تصل منزلها بإناء واحد مملوء وآخر به نصفه .

وبالطبع، كان الإناء السليم مزهواً بعمله الكامل ،

والإناء المشروخ محتقراً لنفسه

لعدم قدرته وعجزه عن إتمام ما هو متوقع منه .

وفى يوم من الأيام وبعد سنتين من المرارة

والإحساس بالفشل تكلم الإناء المشروخ

مع السيدة الصينية

"أنا خجل جداَ من نفسي لأني عاجز ولدي شرخ

يسرب الماء على الطريق للمنزل"

فابتسمت المرأة الصينية وقالت "ألم تلاحظ الزهور

التي على جانب الطريق من ناحيتك

وليست على الجانب الآخر؟"

أنا أعلم تماماً عن الماء الذي يُفقد منك ولهذا الغرض

غرست البذورعلى طول الطريق

من جهتك حتى ترويها في طريق

عودتك للمنزل

"ولمدة سنتين متواصلتين قطفت من هذه الزهور الجميلة

لأزين بها منزلي"

ما لم تكن أنت بما أنت فيه،

ما كان لي أن أجد هذا الجمال يزين منزلي .

عندما يهدى لك القدر ليمونة حامضة

اجعل منها عصير ليمون لذيذ

يخسر الناس معظم الفرص

لأنها تأتيهم فى صورة مشكلات

قصه مسليه

واحد خياله وااااااااااسع قوي بيحكي قصه تخيلها

وقعد يرسم فيها اتفرجوا بقا علي الابداع....

كان ياما كان كان في ديك واقف علي الحافه....

والناس دول واقفين يتفرجوا ع الديك....

الناس دول باينين من الباب والباب بتاع البيت ده....

البيت ده في المزرعه دي.....

بس المزرعه دي بقا::: لعبه

اللعبه بتلعب بيها البنت دي

اللعبه نفسها صورة....

والصورة علي غلاف مجله...

المجله دي في ايد شخص...

الشخص دا قاعد قدام حمام سباحه....

حمام السباحه ده موجود علي ظهرسفينه....

والسفينه طبعا طبعا في البحر (مش عايزة فكاكه يعني)....

البحر بقا علي صورة.....

والصورة دي مرسومه علي الباص....

الباص طبعا ماشي في الشارع(أمال يعني هيمشي فين في الميه مش معقول)....

الشارع دا في برنامج في التلفزيون .....

والتلفزيون ده في الصحرا وبيتفرج عليه شخص....

الشخص ده بقا مرسوم علي طابع (يعني صورة هو كمان)

الطابع علي ظرف جواب والجواب ده في ايد الشخص الهندي ده....

والشخص الهندي واقف مع أهله الهنود التانيين ع الشط....

الشط بقا باين من شباك.....

الشباك ده شباك طيارة أصلا ...

الطيارة طايرة فوق البحر....

والبحر طبعا علي كوكب الأرض....

الأرض كوكب ضمن كواكب المجموعه الشمسيه

والمجموعه الشمسيه زي مانتوا عارفين في مجرة درب التبانه....

حمدلله ع السلامه

ايه رأيكم بقا في القصه اللي تدوخ دي .......

جحا

ماذا تعرف عن هذا الرجل الجليل القدر؟؟

دائما ما نؤلف النكات حول جحا و نتندر به

لكن هل تعلمون أن جحا ليس شخصية خيالية؟

و الأهم و الأعظم من ذلك أنه تابعي جليل،

يعني هو شخص صاحب صحابيا

و آمن بسيدنا محمد صلى الله عليه و سلم،

فلتقرأ شيئا من سيرة جحا الحقيقية:

اسمه ( دُجين بن ثابت الفزاري – رحمه الله - )،

أدرك ورأى أنس بن مالك رضي الله عنه ،

وروى عن أسلم مولى عمر بن الخطاب،

وهشام بن عروة، وعبد الله بن المبارك، وآخرون.

قال الشيرازي: جُحا لقب له ،

وكان ظريفاً، والذي يقال فيه مكذوب عليه.

قال الحافظ ابن عساكر: عاش أكثر من مائة سنه.

وهذا كله تجده مسطوراً في كتاب "عيون التواريخ"

لابن شاكر الكتبي ( ص 373 وما بعدها).

وفي كتاب "ميزان الاعتدال" للذهبي (المجلد الأول، ص 326)

ما نصه: جُحا هو تابعي، وكانت أمه خادمة لأنس بن مالك،

وكان الغالب عليه السماحة، وصفاء السريرة،

فلا ينبغي لأحد أن يسخر به إذا سمع

ما يضاف إليه من الحكايات المضحكة،

بل يسأل الله أن ينفعه ببركاته.

وقال الجلال السيوطي: وغالب ما يذكر عنه من الحكايات لا أصل له.

ونقل الذهبي أيضاً في ترجمته له:

قال عباد بن صهيب : حدثنا أبو الغصن جُحا – وما رأيت ً أعقل منه - .

وقال عنه أيضاً : لعله كان يمزح أيام الشبيبة،

فلما شاخ، أقبل على شأنه، وأخذ عنه المُحدثون..

يعني جحا راوي أحاديث وتابعي جليل فكيف نسخر منه؟

إن السخرية عموما لا تنبغي حتى من الناس العاديين

فكيف نسخر من تابعي جليل؟

وإن كان من عامة المسلمين فلماذا الكلام فيه،

والكذب عليه، وتصويره بصورة خيالية؟ كيف وهو متوفى؟

وقد جاء في الحديث عنه صلى الله عليه وسلم

" أذكروا محاسن موتاكم

"

رواه الترمذي .

منقول للفائدة

حل الواجب........

الواجب التدويني ده (دبستني فيه) قصدي كلفتني بيه المدونه المغربيه العزيزة خواطر شابه

التي أكن لها حقيقه كل ود وتقدير واحترام

واعتبر مدونتها واحده من المدونات الراقيه التي أحرص دائما علي متابعتها ...

نيجي بقا لحل الواجب ...

السؤال الاول: هل انتي فضوليه؟

أنا لا أعتبر نفسي انسانه فضوليه ولا أقحم نفسي اطلاقا في أمر لا يعنيني

أو لا يخصني ولا ينتابني الشغف لمعرفه أسرار الأخرين

ولا أجهد نفسي أوأتحايل لمعرفه ما يخفيه الناس من أمور خاصه

أو ما يكرهون أن يطلع عليه احد ..

ولعل السبب في هذا اني دائما أعامل الناس بما أحب ان يعاملوني به

وأضع نفسي دائما في كل تصرفاتي مع الناس في موضع من أتعامل معه

فكما أني لا أحب أن يتطفل أحد علي حياتي أوأن يبحث وراءي ويفتش عن ما أخفيه من أسرار

أو عن ما أعتبرة أشياء خاصه بي فبالضرورة يجب الا أفعل أنا ذلك التصرف القمئ ...

ويحضرني في هذا الصدد بيتين من الشعر أحاول أن أطبق ما جاء فيهم...

اذا شئت أن تحيا سليماً من الأذي

وحظك موفورٌ وعرضُك صينٌ

لسانك لا تذكر به عورةَ امرئٍ

فكلك عوراتٌ وللناس أعينُ

وان أبدت اليك عينك للناس مساوئاً

فدعها وقل يا عيني للناس أعينُ

وأيضاً لا ننسي حديث رسول الله صلي الله عليه وسلم ...

(من تتبع عورات الناس فضحه الله في عقر دارة)....

ولكن للأسف ...

^{مع ذلك كثيرا ما أقابل في حياتي هؤلاء الفضوليين الكثيري الأسئله فيما لا يعنيهم معرفته....}

السؤال التاني: ماهي الاسئلة التي تستفزك؟

^{لو حد اتكلمت معاه قبل كده واتعرف علي اسمي وقابلته تاني مرة ونسي اسمي وسألني عليه تاني وهو بيعتذر ان الاسم تاه عن باله ؟؟؟}

^{الموقف ده بيستفزني جدا معرفش ليه بحس باهانه لكرامتي ان الشخص ده نسي اسمي وبابقي عايزة انهي الكلام معاه بل والتعامل معاه من الاساس... (مع العلم اني انا شخصيا دايما الاسامي ماتثبتتش في ذاكرتي ابدا)}

^{سؤال تاني بيستفزني...}

هو نفس السؤال اللي بيستفز خواطر وأي بنت لسه مش متجوزة...

معقوله انتي لسه مش متجوزة ؟ ليه هما عميوا؟؟؟

كثيرا ما أسمع هذا السؤال بل وأصبحت أتوقعه من أي شخص يعرفني أو يتحدث معي لأول مرة ...

وما يستفزني أكثر ان كل شخص يطلق لخياله العنان في تصور السبب ويفترض الاجابه ويصدقها ويتصرف علي اساس انها حقيقه واقعه ...

ولازم كل الاجابات تبتدي بكلمه أكيد

زي مثلا انه يقترح الاجابه التاليه

أكيد أهلك بيطلبوا مهر وشبكه غاليين...

أو

أكيد انتي حاطه مواصفات خاصه في العريس اللي انتي عايزاة....

^{ولا يتواني هذا الشخص بل ويسهب في ابداء النصائح الغاليه بأن}

^{الشباب الايام دي تعبان ومش لاقي والأهل لازم يتنازلوا شويه وميكتروش الطلبات علي العريس وان البنت لازم تتنازل شويه ومش هتلاقي حد فيه كل المواصفات اللي هي عايزاها وهكذا وهكذا....}

^{ويصبح مجرد انك توقف الشخص ده عن الكلام أمر غايه في الصعوبه....}

^{بابقي بس عايزة أفهمه (أو أفهمها غالبا لأن معظم الناس الحشريه دي بتبقي للأسف ستات)}

^{انك حافظ وفاهم الكلام ده كويس وانه مجبش التايهه وانك مش بتفكر بالطريقه دي}

^{وان ولا سبب من اللي سيادته اقترحه هو السبب الحقيقي}

^{وان السبب الحقيقي يتلخص في كلمه واحده}

^{النصيب لسه مجاش ....}

^{وبيبقي جوايا كلمه ذوقي بس هو اللي بيمنعني اني أقولها للي بتكلمني ....}

^{وانتي مالك يا حشريه .....}

السؤال الثالث: الى من تمررين الواجب؟

لا مش هامررة لأي حدلأن

ممكن أكلف بيه حديكون مشغول

أو معندوش وقت يحل واجبات......