
الجمعة، ٢٣ أبريل ٢٠١٠
فاصل ونواصل
الجمعة، ١٦ أبريل ٢٠١٠
العصفور الأسير ...

كان في مرة عصفور جميل ونشيط...
بيحب يطير لفوق ويعلي بجناحاته....
وطموحه أنه يوصل لأعلي
حته في السما ....
قعد يتدرب علي الطيران فترة طويله
يقع ...ويتعلم.... ويصبر
لحد ما أتقن الطيران وبقي فيه أستاذ...
كان عايش سعيد بطموحه
حتي تعبه في الطيران
وكتر الوقوع في التدريب
مكانش بيزعله....
بالعكس متعته كانت في تعبه...
عاش يغرد ويطير...
وكل العصافيرالكسلانين
المستخبيين فوق الشجر
في العشش كانت بتحسدة
لأنه كان واثق في نفسه وفي قدراته...
كانت الحياة بالنسبه له جميله...
وفجأة...وعلي غفله جات ريح شديدة قوي
من قوتها طيرته ونزلته علي الأرض
غصب عنه ومن سوء حظه
وقع جوا قفص مفتوح...
واتقفل باب القفص عليه قفله قويه ....
وفضل العصفور المسكين جوا القفص
يدبدب برجليه علي باب القفص المتروس
ويحاول بكل قوته يفتح باب القفص
لكنه طبعا مش قادر لأن جسمه ضعيف ...
كان بيتقوي بطموحه وشغله
(بس يعمل ايه الطموح في الباب المقفول )
فضل يلف ويدور حوالين نفسه في القفص
وينده بأعلي صوته علي الناس
اللي برا القفص
يا ناس افتحولي القفص
أنا عايز أرجع من تاني أطير
القفص ده مش مكاني ....
القفص للعصفور الضعيف
أنا عندي أحلام كتيرنفسي أحققها
بس يا خسارة ...
حاول كتير... استنجد بناس كتير ...
لكن كل الناس اتخلت عنه وقالوله
هنستفيد ايه منك لو فتحنالك القفص
أسرك زي حريتك عندنا
مدام مفيش لينا فايده من وراك ....
سنين كتير مرت وهو محبوس في القفص
بيلف ويدور ويخبط ويعيط وينده ويستنجد...
قلبه بيتقطع كل مايبص للسما ويلاقي
العصافيراللي كان بيشوفها وقت طيرانه
زمان مريحه في العشه وحتي العصافير اللي
جناحها مكسور ومتعرفش أصلا تطير
في نسور وصقور شايلاها وبترفعها معاها
لفوق وبيساعدوها تطير
وهي أصلا ملهاش حق......
والعصفور أبوجناح مكسور بيبص
له ويقوله شايف ياعصفور يا محبوس
أنا فين وانت فين
أنا فوق في السما وانت تحت
علي الارض محبوس في قفص ...
لكنه مع الوقت ضعف
ومبقاش باقي له من طموحه
الا ذكري في باله لأيام جميله عاشها
قبل مايبقي أسير القفص ....
وسؤال لسه بيسأله لنفسه كل يوم جديد
ياتري ممكن ييجي اليوم
اللي يتفتح فيه باب القفص
وأخرج للدنيا اللي بحبها من تاني....

الجمعة، ٢ أبريل ٢٠١٠
تمرد قلم

ملحوظه:الخاطرة دي سبق ونشرتها قبل كده بس قررت أعيد نشرها لسببين:
السبب الاول اني لما نشرتها أول مرة كنت فاتحه المدونه جديد
وكتير من حضاراتكم مكنش لسه اتعرف علي المدونه ...
فحبيت أعيد نشرها عشان عدد أكبر يقراها واعرف رأيكم فيها..
السبب التاني :سبب شخصي شويه وهو اني بحب الخاطرة دي قوي
لأنها بتعبر عن حاله فعليه أنا مريت بيها فعلا من كام سنه ...
أنا عموما بحب الرسم وخصوصا رسم الورود ...
ومريت بكام صدمه كده في حياتي ...
بعدها كنت كل ما احاول ارسم ورده معرفش خالص والاقي نفسي باشخبط برسومات وخطوط معقدة ومتلعبكه وملهاش معني وفضلت ع الحال ده فترة طويله
لحد مابتدت اثار الصدمه تخف شويه وقلت الحكايه دي ...
تفتكروا ليه حصل معايا كده؟؟
الجمعة، ٢٦ مارس ٢٠١٠
عايزة اضحك تاني من قلبي

من أحلامي قصور وممالك ...
كانت قدامي الدنيا دي واسعه...
مهما أبص ماجبش الأخر ...
كنت اتعجب م اللي مكشر...
كنت أقوله يا عم اتفاءل...
كانت الضحكه ترن تسمع...
اللي مركز قوي والغافل ...
واما كبرت شويه...شويه...
اتغيرت الدنيا عليا....
وبدل الضحكه ما كانت عاليه...
صوتها وطي ...وجاب الاخر...
من التعليم وهمومه خلصت ...
ومن الشغل اتقطم الوسط...
قال ايه عن نفسي بقيت مسؤل...
وده موضوع شرحه يطول...
ياما حاوططني هموم ومشاكل ...
وبيبان مقفوله ملهاش اخر...
أتاري الدنيا لها وشين ...
وش بيضحك ...وش حزين...
زي الصورة اما تبصلها ...
وانت بعيد تلاقيها جميله...
قرب بس عليها شويه ...
هتووووة في تفاصيلها الكتيرة...
الجمعة، ١٩ مارس ٢٠١٠
هرم من كبرياء...

إِذا رأوها دارت حولها العيون ...
خرُست الألسن وتكلمت الظنون...
تُري...
ما سرهذا الكبرياء...
الذي يملأُ تلك العيون...
تارةً يقولون ...
مغرورةٌ غرور النسور...
حتما سيهلكها الغرور ...
أتظن أنها ليست كباقي النساء...
أو أنها ملكت الأرضُ والسماء...
وتارةً يقولون ...
ثقهٌ بالذات نادرةُ الوجود....
حقٌ أصيلٌ لمثلها مفروض ...
يتساءلون....
لماذا تجتنبنا...
ألا تعجبها حياتنا...
لماذا لا تشاركنا السمر ...
والجلوس في ضي القمر ...
لماذا هي دائما في عجل...
ألا يصيبها من الجد سئم...
ما الدنيا الا طعام لذيذ...
وجِلسه مريحه ٌمع الأنيس...
يتعجبون...يتهامسون...
ولكنهم عن سؤالها لا يجرأون...
وتسمع هي كلام العيون...
تشتم دوماً ريح الظنون...
يضايقها فهمُ ما يدورُ في العقول ...
تجيب في صمتٍ عن أسئلتهم...
حقا سئمت من حماقاتهم...
لماذا أجيب ..ولا جدوي من حديثكم....
فقط كفوا عني أحقادكم...
لماذا تريدونني مسخا مثلكم...
لا جواب عندي لأسئلتكم...
لم أقصد أبدا اجتنابكم...
ولكن عقلي يأبي مجاراتكم ...
لم أخلق أبدا لأحيا حياتكم ...
لا أريد أن أكون...
فرد في قطيع مثلكم....
أعلم أن المختلف عنكم...
سيظل دوما في نظركم متهم...
يدفع راحه باله فقط...
ثمنا لأن يكون مختلف...
الجمعة، ٥ مارس ٢٠١٠
النسر الدجاجه
وسط الفراخ رباني ....
وأكلني حب وشعير .....
ملقيتش غيرة قمت كلت ....
وغصب عني ويا الفراخ كبرت....

عيشت وياهم نفس عيشتهم.....
مع ان أصلي في الأصل غيرهم...
في العشه ياما كتيرصعبت عليا نفسي ...
وقولت امتي ؟؟ هالقي يا رب نفسي ...
وف يوم قامت حريقه في العشه...

وبص الغشيم ليهم وليا بحسرة....
بعد ما ربانا ...
هنضيع من ايديه ...في لحظه !!!
لكنه من العجب قام فط نط ....
قال ايه استغرب اني طرت وهربت ...
وسأل نفسه ازاي قدرت ؟؟؟
أطير في السما وعن الفراخ فرقت...
أصل الغشيم ...
نسي اني أصلا في الاصل نسر....

السبت، ٢٧ فبراير ٢٠١٠
دور في الدليل

ورقه بتكتبها لما تبيع عربيه قديمه ...

زى عملية اللوز بالظبط بتنتهى برمي اللوز فى الزباله....
طيب عادل وعرفناه مين بقى شامل ده؟
اشخاص يعملون على فك الربط للرجاله وعمل أحجبه للستات ...
يكونش الشريط الجاى بتاع عمرو دياب...
عصر يمكنك ان تحصل فيه على ما تريد اذا دفعت المعلوم...
خروج الاثار مع الخواجات من مصر تتفرج على العالم ....

لا يزال وزير الثقافه يبحث عن السبب فى هذا القصور ...
ماركة جديده من الشماعات نعلق عليها هدومنا واخطأنا ...
يمارسه من يعمل سايس فى جراج....
شتيمه يطلقها الشباب على الطبقات الفقيرة ...
ميفرقش كتير عن صندوق الزبالة ...
عملية تتم فى الغرزة ....

مذكر العمل البقرى

قطاع الاعمال :
زى قطاع الطرق بالظبط ....
قديما كانت تقوم بها وزارة التعليم الان يقوم بها تجار المواشي ....
شهادة مضروبه بيشتروها زى ما الفلاحين بيشتروا شهادة نحو الامية ويدفعوا فيها كيلتين دره...

صنع فى مصر بس متجمع فى امريكا....
