topbella

الأحد، ١٥ نوفمبر ٢٠٠٩

البوسطاجيه اشتكوا ...


التاج ده وصلني من صديقتي العزيزة ( فتاة من الصعيد )

هي تدبيسه صحيح بس مش مشكله نجاوب بقا وخلاص ....

من أنت؟

اسمي أمل

وما الذى تفعله هنا؟

أكيد دلوقتي بجاوب أسئله التاج

-إسرائيل تقصف كل جنوب ممكن بحثا عنك ، أى شمال تقصد؟

أولا مش من طبعي أبدا الهروب من المواجهات
وبعدين مهو الشمال برضه مش بعيد عليها لو فعلا بتدور عليا ...

-أنت مكلف بحذف حرف من حروف اللغة العربية .. أيها ستختار ولماذا ؟

مش هاقدر أحذف أي حرف لأني باحب اللغه العربيه جدا ويعز عليا كل حروفها ...

ولو ضروري يعني ممكن اللام ألف لأنه مش محسوب من ال28 حرف فبرضه هيفضلوا زي ماهما ....

-لو قدر لك أن تدخل السجن فما هي القضية التي تتمنى ان تدخل بها إليه؟

الحقيقه أنا ماتمناش أدخل السجن لأي قضيه بس بجد أتمني أستشهد مرة واحده واخلص...
ويكون استشهادي في عمليه جهاد كبيرة دفاعا عن المسجد الأقصي....

-نحن لا نعيش حياتنا بل نتعلم فيها كيف نعيش ما تعليقك؟

الجمله صحيحه وتكمله الجمله:
(وعندما نظن أننا قد تعلمنا كيف نستطيع أن نعيش وأننا قد اكتشفنا سر الحياة تأتينا المنيه
ولا يبقي منا غير خلاصه تجربتنا في الحياة التي نعطيها قبل الوفاة لمن هم أصغر منا سنا
فسر الحياة أكبر من أن يعلمه بشر)

-على مفترق طريق لافتتان ، اليمنى تقول ( إلى حلمك ) واليسرى تقول : (إلى مالم يحلم به البشر ) ، أي الطرق ستسلك؟

الى حلمى طبعا ... لأني أعلمه وأتمناة وأحتاجه وسيسعدني الحصول عليه ...
أما ما لم يحلم به البشر ...
فبالتأكيد لم أحلم به أنا أيضا لأني بشر... وما دمت لم أحلم به فبالتأكيد لم أشعر بالحاجه اليه ...

-بجملة واحدة فقط أكتب تعريفاً لكل كلمة من الكلمات التاليه:

-الوطن:

حصن الأمان للانسان

-الأم:

من نكرم في الحياة فقط لخاطر عيونها

-الليل: أجازة قصيرة من هموم الحياة

والوقت المناسب للرومانسيه والأحلام الجميله...

-الحب:

أجمل احساس في الكون

-أمريكا:

الأيام دول ودوله هذه الأيام هي أمريكا وسيدور الزمان دورته ويخبو أوجها كما خبا أوج من سبقها من الممالك والامبراطوريات التي سيطرت علي العالم قبلها....وسبحان من له الدوام...

-المرأة:

كتاب مفتوح مع من تحب...
ولغز محير لمن يريد أن يخطب ودها ...
وفك شفرة هذا اللغز هو صدق المشاعر والاخلاص

-الرجل:

سند المرأة وعزها مهما كانت قوتها

-الصمت..

في أحيان كثيرة يكون أبلغ من كل كلام الأرض

-الانترنت

نعمه كبيرة جدا أنعم الله علي البشر بابتكارها ( ولكن ) اذا أحسن الانسان استخدامها....

-أخترمنصباً واتخذ قرارا؟

وزير الأوقاف:
أرجع فكرة بيت مال المسلمين
وأحصل الزكاة اجبارا من القادرين
واعمل حصر كلي ومنظم لفقراء مصر وأوزع مال الزكاة بالعدل علي فقراء المسلمين ....

-قيس، عنترة، جميل…. الذين يقولون شعرا….. وليلى وعبلة وعزة”صموت”لماذا هذا التغييب للمرأه

أكيد كانوا مكسوفين ...مش بيقولوا السكوت علامه الرضا

-الى أين تمضي كلمات الحب .. بعد أن نقولها؟

لو خارجه من القلب أكيد هتوصل للقلب مباشرة

- هل تجد علاقة بشكل أو بآخر بين المرأة وقطاع الطرق ؟

هههههههههه علي أساس ان هما الاتنين بياخدوا من الراجل تحويشه العمر ...
بس قاطع الطريق هيخرب بيته ...أما المرأة هتعمرله بيته وتسعد حياته ...

-هذا فراق بيني وبينك .. متى ولمن تقولها ؟

أي انسان غشاش

-كيف هو غداً ؟

أتمني من الله أن يكون جميل ومشرق

-بتمرر التاج لمين ؟

لأ الطيب أحسن مش عايزه أدبس حد ...


هناك ١٠ تعليقات:

الشعب لابد له من حكومه تشكمه يقول...

ياجامد انت:)

mohamed ghalia يقول...

جميلة إجابات حضرتك
ربنا يسعدك دايما

غير معرف يقول...

حلوه أوي الاجابات

بس كان لازم تدبسي حد زي ما اتدبستي :))

تحياتي

أحمد الصعيدي يقول...

يكفي أنك تحترمي أنثويتك الغالية في احترامك للرجل

ردود واقعية جدا

أسعدك الله

صفــــاء يقول...

حلو البوست
واحلى حاجه فيه انك مدبستيش حد

جميله مدونتك ورقيقه

donya يقول...

مساء الخير
اجابتك جميله جدا جدا
ودمها خفيف
تحياتي

البنفسج الحزين يقول...

الشعب لابد له من حكومه تشكمه :
يا ستي لاجامدة ولا حاجه...دانا غلباااااااااااان

محمد غاليه :
أشكرك ودايما كده رافع معنوياتي...

فتاة من الصعيد:
مانا مرضيتش أعمل في حد اللي انتي عملتيه فيا..ههههه
بس بجد تاج جميل متشكرة جدا ع الهديه مش تدبيسه والله ولا حاجه...

البنفسج الحزين يقول...

أحمد الصعيدي:

أولا أهلا وسهلا بيك زائر جديد لمدونتي المتواضعه وعلي فكرة أنا زرت مدونتك وعجبتني جدا...

ثانيا: متصدقش أي ست تقولك انها مش محتاجه لراجل يكون جنبهاوانها مستقله بذاتها والكلام الفارغ اللي البنات والستات ساعات بيقولوه طبعا من ورا قلبهم ...
الراجل دورة أساسي في حياة أي ست لأن في حاجات كتير الست متقدرش تقوم بيها لوحدها...بس الكلام ده مشروط بأنه يكون راجل وجدع وبس أما الذكور وفقط فبالطبع ستات كتير تقدر تستغني عنهم ...

تحياتي يا بلدياتي ده علي أساس اننا صعايدة زي بعض...

صفاء
أهلا بيكي وميرسي جدا لذوقك وانا قلت الطيب احسن وبلاش نعمل في الناس اللي اتعمل فينا...

donya
متشكرة قوي يا قمر

sweet angel يقول...

هههههههه
جميله اجاباتك
تتمتعين بشىء من الشفافيه والرقه والمشاكسه
تحياتي

البنفسج الحزين يقول...

sweet angel
ميرسي يا قمر بس انامش شايفه في كلامي مشاكسه (مع اني باحب الشقاوة والمشاكسه قوي)