topbella

السبت، 30 مارس، 2013

الصبر مفتاح الفرج








سيفتح الله بابا كنت تحسبه                     من شده اليأس لم يخلق بمفتاح 








الجمعة، 20 يناير، 2012

زمان وانا صغير كنت بحلم ابقا كبير


زمااااااااااان وانا صغيره......
كنت بتضايق جداااااا لما ماما تعملي شعري ضفاير وانا رايحه المدرسه....
واقول في نفسي امتي بقا أكبر وابقا حره
اعمل التسريحه اللي انا عايزاها في شعري.....

وكنت كمان لما اروح مع ماما اشتري جزمه جديده
كنت ازن علي ماما علشان اشتري جزمه كعبها عالي شويه صغننين...
واقول امتي بقا أكبر والبس جزمه بكعب عالي زي البنات الكبار....
دلوقتي وبعد ما كبرت.....
ظبطت نفسي كذا مره وانا بعمل شعري ضفاير
وبعد ما جزمي كلها بقت بكعب عالي
بلاقي نفسي دايما
بابص في محلات الجزم علي القسم بتاع الجزم اللي من غير كعب ....

الخلاصه: ألا ليت الطفوله تعود يوماً فأخبرها بما فعل الشبابُ.....



الاثنين، 28 نوفمبر، 2011

عرس الشهداء


وانا قاعده قدام التلفزيون وع الفيس بوك بتابع اخبار الانتخابات انتابتني لحظات سعاده وفخر
وانا شايفه جموع المصريين ستات ورجاله وشباب وشيوخ بل وكهول
متعلم وجاهل كله نازل وحريص كل الحرص انه يدلي بصوته ويقول رأيه
وبيستحمل الوقوف لساعات طويله وبرضه عادي بالنسبه له
(حتي لو مش فاهم سياسه ولا اصلا عارف هيختار مين ولا مين الكويس ومين الوحش )
كل المهم عنده انه فرحان ان بقا له رأي وله صوت هيتاخد بيه
وان محدش هيفرض عليه ناس يمثلوه في البرلمان
هو مش عايزهم او مش هو اللي اختارهم ....
افتكرت شهداءنا رحمهم الله وجرحاناومصابينا شفاهم الله وعافاهم
اللي لولا دماءهم الطاهره الذكيه مكناش هننزل النهارده ننتخب ونقول رأينا بحريه
وجاتلي فكره اني ادعوا كل اصدقاءي المدونين اننا نفتكر في اليوم دا شهداءنا بالدعاء لهم بالرحمه
الحقيقه مش النهارده بس لازمنفتكرهم بالدعاءفي كل يوم تاريخي
تشهد فيه مصر حدث مهم من الاحداث اللي عمرنا مكنا هنشوفها
لولا حدوث الثورة المجيده ولولا تضحيه الشهداء دول بأرواحهم
عشان نعيش احنا في جو ديموقراطي ونعيش أحرار ...
وفي النهايه احب انقل لكم الكلام الجميل دا والتذكرة الرائعه دي من صفحه كلنا خالد سعيد ع الفيس بوك :

لكل من يلعنون ميدان التحرير أقول:

١- لولا التحرير لكنت الآن بدون حق الإنتخاب لأنه ليس لديك بطاقة إنتخابية.
٢- لولا التحرير لكنت فشلت فى الوقوف فى طابور لجنة لأن بلطجية النظام كانوا سيمنعونك.
٣- لولا التحرير لما كنترأيت ١٠٠ مرشح لمقعد واحد و كلهم يعتقدون أن لديهم فرصة.

٤- لولا التحرير لما تأكدت أن

أمواتنا و مسجلي الخطر ليسوا من بين المنتخبين.

٥- لولا التحرير لرأيت أوتوبيسات النقل العام تنقل الموظفين

الحكوميين بالإكراه لإنتخاب الوطنى.

٦- لولا التحرير لما تمكن المصريون بالخارج من استرجاع حقهم المسلوب فى المواطنة الصحيحة

٧- لولا التحرير لكان خرج عليك ديوس النظام السابق ليقول لك: اليوم عُرس الديمقراطية.

أياً كانت نتيجة إنتخابات

اليوم ..

شكراً لميدان التحرير - قلب مصر النابض بالحيوية و الشرف لكل مصرى حر!

اللهم ارحم شهداء ثورتنا المجيده وأسكنهم فسيح جناتك يا رب العالمين

السبت، 5 نوفمبر، 2011

عيد سعيد


أحبائي وأعزائي المدونين وحشتوني جداااا
كل سنه وانتوا طيبين وعيد أضحي سعيد علي الجميع يا رب
وكل سنه ومصر كلها بخير وأمان ورخاء ونهضه...











الثلاثاء، 21 يونيو، 2011

ادخل بسرعه وشوف الصورة العجيبه




بص في الصورة قويييييييي
و ركز فى ال ثلاث نقط الموجودة على أنف هذة المرآة
لمدة 10 ثوانى
ثم

أنظر بتركيز الى سقف حجرتك
لمدة 15 ثانية

و قولولى ماذا وجدتم !!!

الثلاثاء، 24 مايو، 2011

تعلم ازاي تبقي بطاطسايه


عارفين ليه البطاطس المحمرة

هي الاكلة الوحيدة اللي اجتمع الناس كلهم علي حبها ؟

1-البطاطس المحمرة لما بتتقلي في الزيت بتبقي عادة
مقرمشة من برة و طرية من جوة


عشان كدة لما حد يعمل معاك موقف سخن اوي

ماتعملهوش وحش اوي ..ايوة حسسه انك زعلان منه

و خد موقف بس خلي قلبك ابيض و وطري "طيب يعني "

مش ناشف و سامح عشان ربنا بيسامح.


2-البطاطس المحمرة

تلاقيها عند ماكدونالدز ( فرينش فرايس)

و برضه تلاقيها عند بتاع الفول والطعميهيعني

انت كمان خليك زي البطاطساية ماتتكبرش علي حد وصاحب كل الناس غني او فقير3
-البطاطس المحمرة بتتقدم مع حاجات كتير :مايونيز , كاتشب ,صوصات مختلفة و

ساعاتكمان طحينة
بس بتفضل في الاخر اسمها بطااااطس-يعني مهما اتعرضت

لثقافات و بيئات مختلفة احتفظ دايما بشخصيتك المستقلة

و طريقة تربيتك و خلي الناس هية اللي تتاثر بيك


4-البطاطس برضه ممكن تبقي شيبسي و هي اول حاجة بنفكر فيها لما بنحس

بالجوع واحنا برة البيت- ساعد الناس دايما و خليك اول واحد ييجي علي بالهم لما

يقعوا في مشكلة خليك جدع زي "الشيبسي كده



5_البطاطس انواع فى بطاطس محمرة بطاطس مهروسه بطاطس بوريه بطاطس ف الفرنبطاطس سلطه بس ف النهايه هى بطاطس-

انت كمان حاول تبقى انت بشخصيتك بس نوع ف طريقتك مع الناس عشان متبقاش ممل


6-البطاطس المحمرة لو اتهرست بتبقي برضه طعمها حلو و ممكن نسميها "بطاطس بوريه"

-مهما الدنيا تهرس و تبهدل فيك خليك شخص كويس و لذيذ و قول للدنيا "انا بطاطساية بوريه

ببساطة عشان تبقي محبوب من كل الناسخليك بطاطس


مين هيقول انا هبقى بطاطسايه ؟؟


الثلاثاء، 17 مايو، 2011

اعلانات مبوبه





فرصه عظيمه لكل العاطلين في مصر
وظائف خاليه






هاااااااااااااااااااه مين هيقدم في الاعلان ؟؟؟؟
بس خلوا بالكم التاريخ بيقول محدش حكم مصر وخرج منها سليم
اللي ناوي يقدم في الاعلان يفكر كويس وهو اللي جابه لنفسه بقااااااا