topbella

الجمعة، 2 أبريل، 2010

تمرد قلم


كلما وضعت سن قلمي علي الورق....

يرسم رغما عني خطوطاً ...

متجاورة...

متباعدة ...

متقاطعه...

متوازيه...
عجبا يا قلمي...

لم تكن تلك بغيتي...

أردت فقط أن أرسم وروداً...
رد القلم ...

عذراً سيدتي...

فقلبي مرآةً لقلبك...

أني لي برسم الورود...

والقلبُ يملأة الشرود...

قيود ...

سدود ...

حدود ...
ان استطعتي فك القيود ...
ان استطعتي هد السدود ...
ان استطعتي محو الحدود ...

ساعتها فقط ...

استعيد قدرتي علي رسم الورود...

ملحوظه:الخاطرة دي سبق ونشرتها قبل كده بس قررت أعيد نشرها لسببين:

السبب الاول اني لما نشرتها أول مرة كنت فاتحه المدونه جديد

وكتير من حضاراتكم مكنش لسه اتعرف علي المدونه ...

فحبيت أعيد نشرها عشان عدد أكبر يقراها واعرف رأيكم فيها..

السبب التاني :سبب شخصي شويه وهو اني بحب الخاطرة دي قوي

لأنها بتعبر عن حاله فعليه أنا مريت بيها فعلا من كام سنه ...

أنا عموما بحب الرسم وخصوصا رسم الورود ...

ومريت بكام صدمه كده في حياتي ...

بعدها كنت كل ما احاول ارسم ورده معرفش خالص والاقي نفسي باشخبط برسومات وخطوط معقدة ومتلعبكه وملهاش معني وفضلت ع الحال ده فترة طويله

لحد مابتدت اثار الصدمه تخف شويه وقلت الحكايه دي ...

تفتكروا ليه حصل معايا كده؟؟



هناك 20 تعليقًا:

منــار فايد يقول...

انا زائره جديده لمدونتك
عجبا لتلك الكلمات
رائعه فعلا....

والاجمل مابها من معنى

تقبلي مروري البدائي

أحمد الصعيدي يقول...

حوار جميل جدا يحمل هموم العاشقين بين أسطر قليلة

أعجبتني بشدة


سلمت يمينك

السلام عليكم ورحمة الله

ستيتة حسب الله الحمش يقول...

قيود

سدود

حدود

كيف للنفس المتعبة التي تحمل كل هذا الكم من الهم
وكيف لها وهي روح شفافة
ان ترسم الورود التي تعشقها مع كل هذا الكم من الآلام

لا احمل تفسيرا
ولكني سعيدة انها حالة قديمة وذهبت بلا رجعة

تحياتي يا احلى بنفسجة في صعيد مصر المحروسة

P A S H A يقول...

كلامك جميل كالعادة .. رجعني سنين لورا .. لحاجة كنت كتبتها من فترة طويييييييلة .. مش فاكر منها غير دول :
من تحت سن قلم مكبوت
فوق صفحة بيضا بنت بنوت
كل الحروف تنزف وتموت
كل المعاني بقت أوهام
***
وكل ما أكتب من تاني
ألقى السطور تتحداني
إيه اللي حايشك يا لساني
فينك يا كلام
***
تحياتي على كلامك الجميل بجد .. والحمد لله إنك رجعتي ترسمي .. والحمد لله إنك قربتي تنسي :)

سلام

sal يقول...

ربما رسمت فى الماضى وردة لمن لا يستحق
وعند اكتشافك ذلك ...لم تطاوعك يدك على
رسم الورود

الحمد لله انها عدت
ارسمى واكتبى واللى فات فات
بكرة احلى ان شاء الله

ربنا يسعدك ويبارك لك

خواطر شابة يقول...

تعرفي فعلا صعب ان نصطنع السعادة صعب على القلب المكسور والمقيد ان يرسم وردة ليفعل لابد ان يتحرر من حزنه ومن قيوده
الصورة التي رسمت بكلماتك رائعة روعتها في بساطتها وصدقها
سعيدة انها كانت حالة من زمن مضى يجب الاستفادة منه والبناء عليه لحاضر ومستقبل احلى
تحياتي وودي

sony2000 يقول...

بجد كلماتها حلوه جدا
ودا بيدل علي ان في فتره بجد احيانا بتكون افكارنا مشتته جدا
بس ربنا بيساعدنا اننا نتخطاها
ربنا معاكي يارب
اللهم امين:)

العيسوى الصغير يقول...

لاتقفى عن الرسم استمرى وان كانت خطوط فالقلم سيعلم اصرارك على الرسم عندها سيرسم ورداو تتحطم السدود وحدها

البنفسج الحزين يقول...

منار فايد:
اهلا وسهلا بيكي زائره جديده للمدونه
أشكرك جدا علي ذوقك واتمني استمرار التواصل ...

البنفسج الحزين يقول...

أحمد الصعيدي:
أشكرك علي ذوقك ...
هو الحوار ممكن يعبر عن حاله من الصراع النفسي بين ما نريدة أرواحنا الصافيه وما تفرضه علينا الظروف وطبعا ممكن يكون الصراع ناتج عن هموم العشق والعاشقين ....

البنفسج الحزين يقول...

العزيزة دكتورة ستيته:
أحييكي بشدة علي الوصف الدقيق جدا للحاله اللي كنت حاسه بيها لما كتبت الخاطرة دي وكأنك كنتي عايشه معايا فيها...
(كيف للنفس المتعبة التي تحمل كل هذا الكم من الهم
وكيف لها وهي روح شفافة
ان ترسم الورود التي تعشقها مع كل هذا الكم من الآلام....)عجبتني جدا هذة الكلمات ...

تحياتي يا احلى دكتورة علومانجيه في بر مصر المحروسة كله....

البنفسج الحزين يقول...

شريف باشا...هجايص...
أشكرك طبعا علي ذوقك وعلي المجامله ...
بس ايه يا عم انت جاي تقطع علينا ولا ايه
هههههههه لا والله بجد كلامك والخاطرة بتاعتك في منتهي الروعه ومعبرة جدا علي نفس الحاله اللي بتعبر عنها الخاطرة بتاعتي ...اممممممممم هي أكيد توارد خواطر أو نقدر نقول شباب مصر عموما في الهم سواء...
تحياتي وبجد بجد بيسعدني قوي مرورك

البنفسج الحزين يقول...

صديقي الكترونيا العزيز sal:

ربما رسمت فى الماضى وردة لمن لا يستحق
وعند اكتشافك ذلك ...لم تطاوعك يدك على
رسم الورود...
ههههههه كلامك صح جداا بس انت عرفت منين ...مع اني مجبتش سيرة نوع الصدمه بس تقدر تقول انها في وقتها كانت صدمه مزدوجه مش بس عاطفيه لأ صاحبتها صدمه في المستقبل والشغل كمان ...
لو قريت تعليق دكتورة ستيته وردي عليه هو وتعليقك بينهم تكامل شديد وبيوصف الحاله وقتها بالظبط
تحياتي ليك بجد ودام لي يا رب تواصلك واحساسك العالي ...

البنفسج الحزين يقول...

العزيزةخواطر شابه:
أحييكي وأؤيدك في كلامك صعب ان نصطنع السعادة
لأنه احساس والاحاسيس من الصعب تمثيلها وتحرر القلب من أحزانه بياخد وقت صحيح بس بيحصل وكل شئ بيعدي وبيتنسي ويجب الاستفادة منه والبناء عليه لحاضر ومستقبل احلى...
تحياتي وودي

البنفسج الحزين يقول...

sony2000
بجد باشكرك علي ذوقك ومجاملتك المستمرة
فعلا غصب عنا في ظل الواقع والمستقبل اللي مش باين له ملامح بنمربفترة تشتيت الأفكار والاحساس بعدم جدوي ما نفعله بس لازم نكون قريبين من ربنا ونطلب منه العون والمشورة وربنا بيساعدنا وبيخلينا نتخطي المرحله دي وبيخفف عنا الصدمات اللي بنقابلها بس احنا بس نفضل قريبين منه ...

البنفسج الحزين يقول...

العيسوي الصغير:
أشكرك جدا علي المرور وعلي النصيحه اللي هحاول أنفذها ...تحياتي

Timo.. يقول...

"قيود ...
سدود ...
حدود ...
ان استطعتي فك القيود ...
ان استطعتي هد السدود ...
ان استطعتي محو الحدود ...
ساعتها فقط ...
استعيد قدرتي علي رسم الورود.."

صباح البنفسج (الغير حزين) عليك
اخشى انا تستطيعي فك القيود وهد السدود ومحو الحدود وتكتشفي عدم قدر القلم على رسم الورود..!!
انا لا أأمل ذلك..ولكني فقط..أخشاه..!!

عجبني قوي بوست (ترقص أه..تطير..لأ)
تحياتي

saragebaly يقول...

دائما القلم ما يعكس ماهو بداخللنا

فيأبي ان يرسم مظاهر فرح وسعادة والحزن مستكين بالقلب


فكرتيني بخاطرة كتبتها اسمها محاولة رسم


سعيدة بزيارتي الاولى لمدونتك ومش الاخيرة بأذن الله

تحياتي لكـِ

سارة

MR.PRESIDENT يقول...

قلبي مرآة لقلمي
وعقلي المتحكم
فأني أن يكون القلم
هو المسيطر

علي فكرة كلمات طيبة وحلو تكرمي

فاروق بن النيل يقول...

البنفسج الحزين ...
طبعا كلمات نابعة من تجربة مريرة والظاهر إن البنفسج له دخل أو الوردة الحمراء البلدى كانت هدية منكى فى أول لقاءكما له ولكنه داسها بقدميه فى النهاية وأثر هذا الوضع فى قلبك فأعطى إشارات بالمخ هو رفض الورود وصورتها ورسمها ولم يطاوعك القلم برسم الورد لأنه يأخذ إشارة من المخ
ولوكان المخ صافى ونسى ( القلب على فكره يأخذ كل حاجه من المخ )طبعا بعد شفاء القلب أرسل رساله للمخ يخبره أن يحاول أن ينسى فرد عليه المخ : الآن فقط بدأت أن أنسى .إرتاح ياقلب وإبدأ بخطوة جديدة وحب جديد .
ربنا يهنيكى ويشفى قلبك ويسعدك وتمتلى حياتك بالسعادة والورود أنا شاعر بس بقافية وأوزان
لى مدونة ولى عدة أشعار آخرها اليوم وقبل الأخيرة منذ ثلاث أيام والتى قبلها منذ أسبوع هى الثلاثة تستحق منك التأمل والتعليق أرجو زيارتى.
farouksam.blogspot.com(عصفو الجنة )