topbella

السبت، 23 أكتوبر 2010

القيمه الباقيه



يوميا تصلني عشرات الاميلات من مختلف المواقع والمنتديات التي انا مشتركه فيها
وأيضا من الأصدقاء والفترة الماضيه لم يكن بالطبع لدي متسع من الوقت
لتصفح وقراءة هذا الكم من الايميلات
وهذه الايام قررت عمل حمله علي الايميل الخاص بي لأقرأ مالم أقرأه منها
واحذف ما ليس هناك داعي لوجوده ..
وأسفرت هذه الحمله عن اكتشاف عديد من الايميلات التي نالت اعجابي
ومن بينها ذلك الايميل الذي وصلني من احدي المنتديات ....
واحببت اطلاعكم عليه لتعم الفائده....

رفع المحاضر في إحدى المحاضرات 500 درهم وقال من يريد هذه ؟

رفع معظم الموجودين أيديهم ..

قال لهم: سوف أعطيها لواحد منكم لكن بعد ما أفعل هذا !

قام بكرمشة الورقة ومن ثم سألهم : من يريدها ومازالت الأيدي مرتفعة !

قال لهم حسنا، ماذا لو فعلت هذا ..

فرمى النقود على الأرض وقام بدعسها بحذائه .. ومن ثم رفعها وهي متسخة
ومليئة
بالتراب !

سألهم: من منكم مازال يريدها فارتفعت الأيدي مرة ثالثة ؟

فقال: الآن يجب أن تكونوا تعلمتم درسا قيما ..

مهما فعلت بالنقود فمازلتم تريدونها لأنها لم تنقص في قيمتها فهي
مازالت 500 درهم !


في مرات عديدة من حياتنا نسقط على الأرض ..
وننكمش على أنفسنا ونتراجع بسبب القرارات التي اتخذناها ..
أو بسبب الظروف التي تحيط بنا ...
فنشعر حينها بأنه لا قيمة لنا !

مهما حصل فأنت لا تفقد قيمتك ...
لأنك شخص مميز حاول أن لا تنسى ذلك أبدا !

لا تدع خيبات آمال الأمس تلقي بظلالها على أحلام الغد ...
فقيمة الشيء هو ما تحدده أنت..

فاختر لنفسك أفضل القيم





هناك 31 تعليقًا:

The illusionist يقول...

اكيد انا الاول

The illusionist يقول...

ما شاء الله على الثقه بنفسى

فعلا انا الاول

The illusionist يقول...

تصدقى حلوه

كانت فكره حلوه انك تعملى جرد لايميلك وتشوفى الرساله ده
احييكى يا بنفسج

جميل البوست ده

كويس انى شوفته قبل ما اروح الكليه

البنفسج الحزين يقول...

صباح الفل ايه السرعه دي
ده البوست لسه نازل وبعدل فيه
اه اصلي النهارد أجازة وفاضيه بقا
قلت فرصه أقلب في الايميل ..
وبعدين انت لسه هتنزل الكليه دلوقتي...

MR.PRESIDENT يقول...

لعل الرد علي تلك بالمحاضر المصري
اللي طلع 100 $ دولار وقال مين عايزها كله رفع ايده
الا بنت طلعت وخادتها .. وكان قصدي تحويل الكلام إلا افعال

تحياتي ليكي

يوميات شحات يقول...

حكمة رائعة
فعلا الشخص منا لابد أن يثق بقدراته حتى لو أنه ليس له قيمة الأن

The illusionist يقول...

هههههههههههههههههههههه

والله اعمل ايه

انحراف دراسى
بننزل الساعه اربعه وتلاته للكليه

البنفسج الحزين يقول...

Mr.presedent:
حمدلله ع السلامه يا ريس يارب تكون دلوقتي بخير وفي حال أحسن من الفترة اللي فاتت قلقتنا عليك...
ههههههه حلوة قوي حكايه المحاضر المصري دي شفت البنات طول عمرها عمليه لسه هترفع ايدها وبعدين الراجل ييختارها ييختار غيرها قامت لطشتها علي طول منه ....
تحياتي

البنفسج الحزين يقول...

يوميات شحات:
أولا أهلا بيك زائر جديد لمدونتي المتواضعه
ثانيا بالنسبه لمحتوي البوست ففعلا احنا أحيانا كتير الظروف الصعبه اللي ممكن نمر بيها ممكن تهز ثقتنا في نفسنا شويه ونستضعف نفسنا لكن الحمه دي بتقولنا لاوم نفتكر دايما اننا مميزين وان الشخص مهما حصله لازم يرجع يقف علي رجله من تاني لأن مهما حصل الانسان تظل قيمته محفوظه ...
تحياتي

البنفسج الحزين يقول...

The illusionist:
اصل احنا علي ايامنا كانت المحاضرات والسكاشن بتبتدي من 8 الصبح ونقعد
لحد 6 بالليل (علوم بقا)معرفش دلوقتي انها بقت سواريه كده هههههههههه

sal يقول...

من غير مجاملة بوست جمييييل

وفكرته تحلى اكثر باضافة سيادة الريس

تحياتى

البنفسج الحزين يقول...

sal
أشكرك ده بعض ما عندكم بس انت بقالك فترة مش بتنزل بوست جديد لعل المانع خير يلا مستنيين جديدك ...
تحياتي

ستيتة حسب الله الحمش يقول...

كلام جمييييييييييييييييل
مهما اتكرمشنا وانكمشنا وخدنا قلم يرن
نظل نفس البني أدم اللي ربنا كرمه وأعطى له القدرة على الإنحناء حتى لا يُكسر

جميل يا بنفسجة
وجميلة المدونة ومهدئة جدا للأعصاب
تحياتي

حنين الذكريات يقول...

النقود لاتفقد قيمتها ولكن الانسان يفقد قيمته أحيانا بتصرفاته بقرارت ممكن تكون خطاء دون ان يعلم
أشكرك على نشر الاميل

karmen يقول...

رسالة هايلة بجد
كنا بناخد حاجات شبيهة بكدة في التنمية البشرية
بجد جميلة ودرس رائع
تسلم ايدك
خالص احترامي
‏¥k¥

البنفسج الحزين يقول...

د.ستيته:
فعلا تمام هو ده المعني اللي المفروض يبقي ثابت في ذهننا عجبتني قوي جمله:

(أعطى له القدرة على الإنحناء حتى لا يُكسر)

فعلا لازم الانسان وقت الريح يطاطي شويه لكن بمجرد ما تعدي الريح لازم يقف ويصلب طوله من تاني ...
تحياتي

البنفسج الحزين يقول...

حنين الذكريات:
عزيزتي معك حق أحيانا يتهور الانسان
منا ويتخذ بعض التصرفات أوالقرارات الخاطئه التي ربما تؤثرعلي هيبته وربما كرامته ولكن مهماكان الخطأ طالما ما زال حياًيمكنه اصلاحه بشئ من الحكمه والتعقل وبمزيد من الثقه في نفسه
أشكرك على المشاركه نورتيني

البنفسج الحزين يقول...

karmen
بجد انا نفسي اخد كورس في التنميه البشريه ...حاسه اني محتاجه له قوي الفترة دي هههه
أشكرك علي المشاركه
خالص احترامي

Sonnet يقول...

فقيمة الشيء هو ما تحدده أنت..
فاختر لنفسك أفضل القيم
شكرا على الحكمة

البنفسج الحزين يقول...

Sonnet
فعلا الحكمه فيها جانب كبير من الصواب
الانسان هو اللي بيحدد قيمته عند الناس بتصرفاته وأقواله وأفعاله
والشخص اللي بيحترم ذاته والشخص اللي بيقدر نفسه حق قدرها ولا يستهين بقدراته ومميزاته كل الناس بتقدرة وتشوف مميزاته ...
تحياتي وصباحك زي الفل ان شاء الله

sony2000 يقول...

بجد موقف رائع
ودرس مستفاد فغايه الاهميه
الفكره انناكتير بننسي احنا مين
او نقدر نعمل ايه
فالوقت اللي الكل بيحبطنا فيه
او بيطغطوا علينا لسبب معين
بس ناس كتير بتقدر تقوم تاني
وناس تانيه لا
يارب وقف الكل ديمن

البنفسج الحزين يقول...

sony2000
أيوة كل اللي حوالينا محبط
والضغط علينا من كل النواحي
وكل الأبواب مقفوله في وشنا بفعل فاعل
وناس كتير عايزانا نفضل كده تايهين ويائسين ومحبطين ونفقد الأمل ونقول خلاص ونرضي بالفتات من كل حاجه ...

لكن البوست ده بيقولنا اننا لازم مهما حصل مننساش احنا مين واننا نقدر نعمل كتير لو احتفظنا بالارادة والثقه بالنفس...
ومعاكي حق كل الظروف دي مش أي حد يقدر يتغلب عليها وفي ناس كتير فعلا مش بتقدر تقاوم ...
ربنا يجعلنا من الصامدين اللي يقدروا يقفوا في وش ريح اليأس والاحباط اللي محاوطانا من كل مكان ...
تحياتي

ماجد القاضي يقول...

السلام عليكم

هذه زيارتي الأولى، عجبتني المدونة، بعد ما قررأت مجموعة مواضيع..

التصميم مريح بشكل عام.. كلماتك هادئة.. مواضيعك ليست مبتذلة أو غامضة.. ويعجبني استخدام الفصحى..

وفوق كل ده، كفاية إنك (زُمُل).. وده تحيز طبعا لأهل علوم (مش أهل كايور) :)

اسعدني التعرف على مدونتك.. إن شاء الله هضيفها للمدونات التي أتابعها..

وعلى فكرة شكرا على الشاي... بس أنا صراحة بشرف نسكافيه أساسا.. فلو فيه يا ريت :)

تحياتي أختي العلومية الكريمة..
------------
ما قلتيليش ... الزميلة قسم إييييييه؟
------------
بمناسبة علوم، يا ترى قرأتي (مذكراتي في علوم: مذكرات طالب حيوان؟)..

منتظرك هناك..

1- http://magidalkady.blogspot.com/2010/10/1_15.html
2- http://magidalkady.blogspot.com/2010/10/2.html

البنفسج الحزين يقول...
أزال المؤلف هذا التعليق.
البنفسج الحزين يقول...

ماجد القاضي...
أهلا بيك زائر جديد للمدونه ويشرفني انك تضيفني ضمن قائمه المدونات التي تتابعها...
أشكرك جدا علي الاطراء ومبسوطه قوي ان المدونه عجبتك ...
ومش غريب ان العلومانجيه(علي رأي الدكتورة ستيته)يتحيزوا لبعضهم
أمال ايه احنا برضه ملناش الا بعضنا هههههههه وعلي فكرة أنا برضه السبب الأساسي اللي خلاني دخلت مدونتك واتعرفت عليها لما عرفت انك علومانجي
من تعليق كنت كاتبه عند د.ستيته
وخلاص المرة الجايه هعمل حسابي واضيف النسكافيه ضمن قائمه المشاريب في بوفيه المدونه
أنا قسم ميكروبيولوجي (ماجستير وفي الطريق للدكتوراة يا مسهل)
وقرأت مذكرات طالب حيوان ...وعجبتني جدا فعلا يا عيني طلبه قسم حيوان دايما مثار للتريقه علي اسم القسم بتاعهم...
تحياتي

محمد الجرايحى يقول...

جزاك الله خيراً على هذا الاختيار الموفق

5o5a يقول...

قيمة الأشياء هي من نحددها وتكسب لحياتنا قيمه ومعني

جميل ما ادرجتيه

تحياتي لنقلك المفيد

البنفسج الحزين يقول...

محمد الجرايحي:
جزانا الله واياك خيراً
اهلا وسهلا بيك

البنفسج الحزين يقول...

505a
اشكرك واهلا وسهلا بيك

عباس ابن فرناس يقول...

بوست جميل ومدونة اجمل ولفت انتباهى اكثر زلك المحاضر وطريقته فى التواصل
اقبلى تحياتى ومرورى

البنفسج الحزين يقول...

عباس بن فرناس
اسم جميل ياتري بقا بتحب الطيران؟
أشكرك جدا ...واهلا وسهلا بيك واتمني تكرار الزيارة ...
تحياتي