topbella

الجمعة، 20 يناير، 2012

زمان وانا صغير كنت بحلم ابقا كبير


زمااااااااااان وانا صغيره......
كنت بتضايق جداااااا لما ماما تعملي شعري ضفاير وانا رايحه المدرسه....
واقول في نفسي امتي بقا أكبر وابقا حره
اعمل التسريحه اللي انا عايزاها في شعري.....

وكنت كمان لما اروح مع ماما اشتري جزمه جديده
كنت ازن علي ماما علشان اشتري جزمه كعبها عالي شويه صغننين...
واقول امتي بقا أكبر والبس جزمه بكعب عالي زي البنات الكبار....
دلوقتي وبعد ما كبرت.....
ظبطت نفسي كذا مره وانا بعمل شعري ضفاير
وبعد ما جزمي كلها بقت بكعب عالي
بلاقي نفسي دايما
بابص في محلات الجزم علي القسم بتاع الجزم اللي من غير كعب ....

الخلاصه: ألا ليت الطفوله تعود يوماً فأخبرها بما فعل الشبابُ.....



هناك 9 تعليقات:

الغاردينيا يقول...

ههههه

لا مشيب و لا شئ بس هو هكذا الانسان :)

في الطفولة كنت اقول نفسي البس جزم جلدية لنص ركبتي وكنت اطلب من ماما وهي ترفض وتقلي طقسنا حر وقلت لما اكبر بشتري كبرت و مشترتش :) لانني ببساطة صدقت ان طقسنا حر هههه

تحية عطرة

P A S H A يقول...

باعتقد دايماً أن المهم هو إحساسنا بالحاجة مش مهم إننا نعملها ولا لأ .. مجرد إننا نفتكر مشاعرنا وأحلامنا ورغباتنا واحنا صغيرين بيرجعونا أطفال تاني ،، نفس الشعور بالبهجة والمتعة البريئة :)

تحياتي

gmr14 يقول...

hahahaha
blogwalk..
nice post n blog.. blogger2
keep such go0d work
w8ing 4 d nxt
:)

ريبال بيهس يقول...

صباح الورد

لكل مرحلة جمالها أما الأطفال فجميعهم

ينتظرون هذه اللحظة التي يتحررون فيها

من كل القيود التي رافقت مرحلتهم ولكن

بعد وصولنا لمرحلة الشباب سنكتشف

أننا فقدنا الكثير وأثقلنا بالكثير

وسنتمنى أن تعود الطفولة ...

تحياتي وإحترامي

فشكووول يقول...

احنا كمان نقول
الا ليت الشباب يعود يوما
فاخبره عما فعل المشيب
اصل الممنوع مرغوب

hany hagar يقول...

جميل جدا يا امل كتاباتك انا معجب بيها خالص
وعايزك كمان تكملى علطول لانك مبدعة والله

البنفسج الحزين يقول...

ميرسي يا دكتور هاني اشكرك

Tears يقول...

ما بنعرفش قيمة الطفولة الا لما تمر...ياريت نرجع لراحة البال و الصفا االلى كنا فيه ايام الطفولة

ِعلي الزيبق يقول...

كلنا هذا الرجل بس منغير الضفاير والكعب العالي دايما البعيد احلي دايما بنعيش بامنيه ولماتحصل نخلق غيرها او نقول يارتينا ماحلمناها ياريت عقارب الساعه ترجع
تحياتي

مدونتي تخطوا خطواتها الاولي فشرفوها واتركوا بصمكتم
http://hazarefsos.blogspot.com