topbella

الاثنين، ١٩ أكتوبر ٢٠٠٩

الحلم الجميل


في خضم الحياة العمليه التي أعيشها....

ونفسي القلقه دائما.....

يراودني دائما حلما من أحلام اليقظه...

خير اللهم اجعله خير.....

باشوف نفسي ساكنه في بيت بسيط وجميل....

مطلي بألوان هاديه واضاءته خافته.....

البيت ده يقع في مكان ما منعزل عن البشر...

ودي أهم ما يميزة...

يعني ماحدش من البشر يقدر يوصله الا لو أنا سمحت له بذلك.....

ومحدش يسألني ازاي؟؟؟؟

اهووو حلم وانا حرة في أحلامي بقا....

ملحق بالمنزل حديقه كبيرة....

أشجارها عاليه تضلل عليا أوراقها وانا قاعده تحتها وقت العصاري.....

باسمع موسيقي هاديه وباقرا روايه رومانسيه جميله .....

وباشرب فنجان نسكافيه سخن .....

وارمي كل همومي وكل حاجه بتؤلمني وتضايقني ورا ضهري...

أنسي طموحي اللي مش عارفه احققه ازاي ....

وحياتي اللي مش عارفه رايحه بيا لفين ...

والقلق والخوف الدائم من بكرة ...

هناك ١١ تعليقًا:

Ahmed يقول...

ومين بس اللي يقدر يحجر على حلم جميل

ياريت يتحقق

الحلم لما يبقى جميل اوي ممكن نعيش فيه ثواني
يعني لو مش لاقيينه في الحقيقه نعيشه في الخيال ولو ثواني

متهيألي ان ده حاجه حلوه برضه

غير معرف يقول...

ههههههههههه

بضحك علشان عارفه انك هتسمحي لكل الناس تدخل ..... والدنيا هترجع زحمه برضه

اتمنى ان تحققي كل احلامك

تحياتي

sweet angel يقول...

السلام عليكم
اول مرور ليا هنا
حلم جميل الحمدلله حاجه تبعث على التفاؤل بين كل نكد المدونات
ربنا يحققلك كل أحلامك
بس تاخدي معاكي اللاب توب علشان نبقا نعرف نشوف جديد مدونتك
ههههههههه
تحياتي

sweet angel يقول...

اااااه
لو سمحتي ابقى شيلي الحروف التأكيديه دي
مش كفايه بيطلعو بيها عنينا في نتيجة الثانويه ؟!!

البنفسج الحزين يقول...

أحمد أبو العلا
والله لو هنعيشه في الخيال لثواني بس مفيش مشكله اهو مجرد تنفيس.
لكن ميفضلش الحلم مجرد حلم وتفوق تلاقي الواقع زي ماهو ماتغيرش برضه الافراط في أحلام اليقظه ممكن احيانا يفصل الانسان عن الواقع ومحاوله تغييرة للأفضل وبيبقي في كتير من الأحيان هروب من الواقع وبعض الناس بتدمن أحلام اليقظه دي..
تحياتي


فتاة من الصعيد

لأ مش هاسمح بالدخول غير للناس اللي باحبهم وبارتاحلهم بس .

أما كل الكدابين والمنافقين والمجاملين واللي بيعرفوني علشان مصلحتهم بس (واللي مضطرة أتعامل معاهم في الواقع )هأقفل الباب في وشهم بالضبه والمفتاح والا يبقي ايه الفرق بين الحلم الجميل والواقع المرير...
تقبلي تحياتي

sweet angle:

أولا اهلا وسهلا بيكي في مدونتي المتواضعه
ثانيا اه حبيت أكسر ملل النكد بتاع المدونات بموضوع خفيف يعني قولت أخرج من مود النكد شويه
ولو حصل ورحت (المكان ما ده )طبعا هاخد الكمبيوتر معايا أمال هتواصل معاكوا ازاي لأن كل زوار مدونتي من الناس اللي باحبهم طبعا. تقصدي بالحروف التأكيديه اللي هي النقط يعني؟؟
ماشي يا ستي ولو اني باحب شكلها أخر السطر بس معلش هحاول أقلل منها انتي تأمري
تحياتي

Unknown يقول...

تحياتى اولا للبنفسج الحزين اللى اتمنى انه يكون سعيد فى كل لحظة فى حياتى بدل الكآبة اللى هو فيها
ثانيا انا هعلق تعليق بسيط على كل بوست لكن التفصيل ده لما اشوفك لانه فى بوستين شدونى قوى بس عايزين كلام كتير قوى

1- خواطر متامل فى الدنيا
جميل جدا الاحساس فيهاوالتعبير عن الدنيا واللى بتعمله فيناازاى بتاخدناوتودينا

2- الحب من وجهة نظرى
بوست جميل جدا صحى جوايا حاجات كانت فيا زمان بس مش عارف لسه جوايا ولا ممكن تكون ماتت

3- الظلم بعينه وايده ورجله
واقع نعيشه ونتجرع مرارته ويكفينا من يريد هدم ما انجزه اجدادنا واصبح الشباب المصرى خاصة والعربى عامة مغيب فى خضم حياه لا ترحم

4-الحلم الجميل
حلم بيتمناه كتير بس هل من الممكن ان يكون واقع
( معتقدش )

يالا بقى كفاية لحد كده بس بجد اسلوب بسيط ومواضيع جميلة

مع تحياتى سلام مؤقتا

micheal يقول...

وأنا نفسي برضه في البيت ده بس لوحدي من غير إزعاج
:)
تحياتي

البنفسج الحزين يقول...

هيثم الدهشان
يا فندم نورت المدونه والاحاسيس الجميله عمرها ما بتموت هي ممكن بس تتنسي مع زحمه الدنيا
تحياتي ليك ومستنيه بقيه الكلام الكتير اللي عندك

micheal

كلنا نفسنا... كلنا عايزين...
خلاص نشوف حد يدينا هههههههههه
تحياتي واهلا بيك في مدونتي

الشعب لابد له من حكومه تشكمه يقول...

كلنا حلمنا الحلم ده فى فتره من فترات حياتنا:)
وخصوصا البنانيت:)

انا باه كنت بزود على البيت ده انه يكون ادام بحر:)
تقوليلى الحلم راح فين؟ اقولك صحييييييييييييييت.صباح الخير باه:)

الشعب لابد له من حكومه تشكمه يقول...

بالمناسبه اباى شيلى التدقيق الاملائ:)
الواحد لسه هيدخل حروف انجليزى وكده:)

البنفسج الحزين يقول...

اةةةةةةةةةةةةة
فعلا كان في حروف تأكيديه للتعليق وانا مكنتش عارفه معلش اعذروني جديدة بقا في عالم التدوين وكده وعموما انا خلاص شلت التأكيد ع التعليق حتي sweet angelنبهتني قبل كده بس انا مفهمتش قصدها ...