topbella

الجمعة، ٥ مارس ٢٠١٠

النسر الدجاجه

كتكوت صغير اشتراني غشيم ...
وسط الفراخ رباني ....
وأكلني حب وشعير .....
ملقيتش غيرة قمت كلت ....
وغصب عني ويا الفراخ كبرت....

عيشت وياهم نفس عيشتهم.....
مع ان أصلي في الأصل غيرهم...

في العشه ياما كتيرصعبت عليا نفسي ...
وقولت امتي ؟؟ هالقي يا رب نفسي ...


وف يوم قامت حريقه في العشه...


وبص الغشيم ليهم وليا بحسرة....
بعد ما ربانا ...
هنضيع من ايديه ...في لحظه !!!
لكنه من العجب قام فط نط ....
قال ايه استغرب اني طرت وهربت ...
وسأل نفسه ازاي قدرت ؟؟؟
أطير في السما وعن الفراخ فرقت...

لأ ...
وأنقذتله من فراخه اللي عليه قدرت...
أصل الغشيم ...
نسي اني أصلا في الاصل نسر....






هناك ٢٣ تعليقًا:

غير معرف يقول...

الغشيم لا يرى معادن الناس ... ماهو غشيم

حلوه اوي الكلمات ... احييكي بجد

خواطر شابة يقول...

ياريت يا عزيزتي يجي اليوم اللي نفتكر فيه ان اصلنا نسر احنا كمان ونطير بدل سكون الفراخ اللي نازل علينا وعجبي

ستيتة يقول...

الله الله
حلوة حلوة حلوة
عاوزة اصقف والله وتصل لك صوت تصقيفي
وده يقول شيء واحد
ها نرضى بالعشة
والمكياج اللي عملينه على أرواحنا
وكسرة النفس واكل الدرة والشعير
لكن جوا جوا جوانا
في يوم ها يقوم قلب فارس
ها يطير نسر

انا كنت محتاجة القصة دي
قوي

إيمان يقول...

رائع بجد تسلمى
قد ايه تعبيرك وقصتك بيصحى حقيقه جوانا
اننا نسور مش فراخ ونقدر نعمل حاجات وحاجات
مش ضعفاء وجبناء ونستسلم للحسرة
وصفك جميل اوى
دومتى متألقه
تحياتى

P A S H A يقول...

جميله قوي بجد .. تصويرك فيها ممتاز .. أسلوبك هايل والله .. ربنا يكرمك يا رب ويوفقك للخير دايماً .. أه قبل ما أنسى .. الحبكة بتاعتها عجبتني .. المعنى اللي ورا الحدوتة وصلني متأخر شوية بس فهمته :))

"بعد تلات مرات قرايه"
هههههههههههههههه

تسلم إيدك بجد

تحياتي
:))
سلام

sal يقول...

أصل الغشيم ...
نسي اني أصلا في الاصل نسر...

يارب يكثروا النسور حتى
يكون لهم مكان فى سماء كثر فيها الغربان

mohamed ghalia يقول...

كن نسرا تحلق دوما فى الفضاء

sony2000 يقول...

بجد رااااااااائع جدا جدا
موش عرفه من جماله اقول ايه
تقبلي مروري وتحياتي

The illusionist يقول...

كلامك ده فكرنى بحلقه لعمرو خالد
نفس كلامك تمام
وكان بيتكلم عن سيمبا
خشى شوفيها
ولو عديتى عليا
ابقى قوليلى رايك فيها

http://www.youtube.com/watch?v=FriEn8GCb1w

البنفسج الحزين يقول...

فتاة من الصعيد:
دايما بتفوزي بجايزة أول تعليق هههههههههه
منوراني وشكرا انك اختصتيني بالرد علي تعليقي علي بوستك اللي فات وده برضه العشم علشان العيش والمحشي...ههههههههه

البنفسج الحزين يقول...

خواطر شابه :
ان شاء الله هييجي اليوم ده...
والدليل علي كدة قول الرسول صلي الله عليه وسلم (الخير في وفي أمتي الي يوم القيامه)...كل الامم بييجي عليها فترات ضعف لحد ماتأخذ بأسباب القوة وتخلص نواياها للتقدم وقتها سيرفعها الله عز وجل بين الامم ...

البنفسج الحزين يقول...

د.ستيته:
وصلني يا جميل صوت تصقيفك ...
ربنا يحفظك ويعزك يا قمر......
ومتشكرة جدا علي ذوقك بس احنا نيجي ايه جنبك وكلامنا ييجي ايه جنب كلامك اللي بيعبر عن اللي جوانا بجد ...
تصدقي يا دكتورة أنا لما كتبت الكلام ده كنت باتكلم عن نفسي وعن الموضوع اللي مضايقني اللي انتي عارفاة...بس لما نشرته لقيتكوا كلكم خدتوة علي محمل أكبر وهو حالنا كأمه اسلاميه رجعت قريت الكلام تاني لقيتوة ماشي جدا برضه وعملت جوايا ربط بيني وبين الأمه لأن احنا الاتنين حالنا واحد تقريبا بس انا عندي أمل كبير اننا نرجع أحسن مما كنا وناخد حقنا من تاني ياااااااااااارب
سلام

البنفسج الحزين يقول...

emymony:
اللي انتي قلتيه هو بالظبط اللي انا قصدته من كلامي اننا مننساش ابدا اننا نسور مهما حاوطتنا الاحباطات والظروف الصعبه ...مهما اضطرينا نتنازل علشان الحياة تمشي بس جوا نفسنا نبقا واثقين اننا هنرجع احسن من الاول لاننا نستاهل طالما بنحاول وبنشتغل علشان نوصل ...
منوراني

البنفسج الحزين يقول...

شريف باشا:
منورني والله ...فهمت المعني بعد 3 مرات بس ...امممممممم المهم انك فهمت طب الله يسترك قولي فهمت ايه علشان انا مش فاهمه ههههههههههههه ...
علي فكرة انا برضه بوستاتك اللي فيها خواطر زي رباطي البطل وطرحه قريتهم كذا مرة علشان اتأكد اني فهمت المعني صح ...
حبيت بس اطمنك واقولك بتحصل في أحسن العائلات (قصدي البوستات)هههههههههه...
منورني دايما سلام

البنفسج الحزين يقول...

sal
والله صدقت :
فعلا سماءنا اسودت من كتر الغربان اللي فيها واللي مش سايبه مكان ولا فرصه للنسور اللي علي حق تطير وترفرف وتاخد مكانها الطبيعي ...
منورني

البنفسج الحزين يقول...

محمد غاليه :
كن نسرا تحلق دوما في الفضاء
حكمه جميله بحاول اعمل بيها
ادعيلي أنجح في تحقيقها...
منورني

البنفسج الحزين يقول...

sony2000
متشكرة جدا علي ذوقك ...
منوراني

البنفسج الحزين يقول...

mr:zanaty:
منورني
انا دخلت شفت الكليب بجد رااااااااائع وباشكرك جدا انك دليتني عليه ...الله ده كان في توارد خواطر بيني وبين الاستاذ عمرو خالد
بس هو قال أسد ونعجه انا حدودتي فيها نسر ودجاجه ...المهم المعني واحد ربنا ياخد بايدينا ونرجع من تاني أسود ونسور زي أجدادانا .,..

صفــــاء يقول...

دة مش بس غشيم
دة أعمى البصر
لا عرف معدن الحاجه ولا ميز شكلها

تصويرك وحبكتك جميله جدا

Tamer Nabil Moussa يقول...

كلام اكثر من رائع

وفكرتة تجنن

مع خالص تحياتى

البنفسج الحزين يقول...

صفاء:
للأسف زمنا ده هو زمن ملئ بالغشمه
وياما جواهر مركونه...
والدهب القشرة هو اللي ظاهر علي السطح...
اشكرك جدا جدا ...

البنفسج الحزين يقول...

Tamer Nabil:
أشكرك جدا علي ذوقك
واهلا وسهلا بيك في مدونتي...

micheal يقول...

فكرتها حلوة أوي