topbella

السبت، ٢٧ فبراير ٢٠١٠

دور في الدليل

القاموس السياسي دليل الشباب الروش لفهم الكلام الكبير ....
التغيير:
عملية شديدة الاهميه تتم للطفل عندما يكون مبلول ...
المبايعة :
ورقه بتكتبها لما تبيع عربيه قديمه ...

العولمه :
عملية تحول اجتماعى وثقافى وفنى تتزعمه فيفي عبده ....
الشفافيه:
سمة ضروريه للملابس المستخدمه فى العولمه ....
غسيل الاموال:
اسوأ ما يمكن ان يحدث لو نسيت المحفظه فى البنطلون قبل ما ترميه فى الحمام ...
عملية السلام:
زى عملية اللوز بالظبط بتنتهى برمي اللوز فى الزباله....
سلام عادل وشامل:
طيب عادل وعرفناه مين بقى شامل ده؟
التنوير:
عملية تتم فى الشوارع عندما يسكنها وزير...
الارهاب :
نوع من السطله يقدم مع الكباب
رجال الاعمال:
اشخاص يعملون على فك الربط للرجاله وعمل أحجبه للستات ...
الشريط الحدودى :
يكونش الشريط الجاى بتاع عمرو دياب...
عصر المعلومات:
عصر يمكنك ان تحصل فيه على ما تريد اذا دفعت المعلوم...
سياحة الاثار :
خروج الاثار مع الخواجات من مصر تتفرج على العالم ....
قصور الثقافه:
لا يزال وزير الثقافه يبحث عن السبب فى هذا القصور ...
المؤامرة الصهيونيه :
ماركة جديده من الشماعات نعلق عليها هدومنا واخطأنا ...
العمل بالسياسة :
يمارسه من يعمل سايس فى جراج....
البيئه :
شتيمه يطلقها الشباب على الطبقات الفقيرة ...
صندوق النقد :
ميفرقش كتير عن صندوق الزبالة ...

حرية النشر :
تمارسها السيدات على السطوح فى الاماكن الشعبيه ....
التعمير :
عملية تتم فى الغرزة ....
العمل الثورى :
مذكر العمل البقرى
قطاع الاعمال :
زى قطاع الطرق بالظبط ....

التربيه:
قديما كانت تقوم بها وزارة التعليم الان يقوم بها تجار المواشي ....

شهادة الايزو :
شهادة مضروبه بيشتروها زى ما الفلاحين بيشتروا شهادة نحو الامية ويدفعوا فيها كيلتين دره...

احمد زويل :
صنع فى مصر بس متجمع فى امريكا....
ملحوظه :(الكلام منقول من احدي المنتديات ...والصور ضفتها من عندي...)
بس عجبني وضحكني ....وحابه أعرف رأيكم فيه ....

هناك ١٤ تعليقًا:

mohamed ghalia يقول...

جميلة أوى كلماتك
أحسنتى الإختيار

sal يقول...

هههههههههه

بوست لذيذ ودمه خفيف

عادل وعرفناه مين شامل ده
يكونش شامل داساييف بتاع الشيشان

احسنت

ستيتة يقول...

ههههههههههههههههههههههه
ربنا يفرح قلبك
انا ضحكت ضحك
الا صورة البيبي والتغيير
فعلا هو ده المنطق
هههههههههههههههههههههههه

غير معرف يقول...

هههههههههههههه

بتجيبي الحاجات دي من فين :))

والصور كمان حلوه

تحياتي

البنفسج الحزين يقول...

محمد غاليه:
صباح الفل ...منورني والله ...
بس علي فكرة دي مش كلماتي...
البوست ده منقوووووول...الصور بس هي اللي من عندي...
(وانا كاتبه تنويه علشان الامانه)
تحياتي

البنفسج الحزين يقول...

sal:
الحقيقه العيله كلها بتسلم عليك وبتقولك مين
شامل داساييف بتاع الشيشان ده...ههههههه
أشكرك ودايما منورني...

البنفسج الحزين يقول...

د.ستيته:
ياااااااااااارب يسمع منك ويفرح قلبي وقلبك...
ومبسوطه ان البوست عجبك...
سلام

البنفسج الحزين يقول...

فتاة من الصعيد:
ابدا والله أنا بابقي بادور علي حاجه
اذ فجأة تطلع لي حاجه تانيه خالص...
عجبتني قلت أنقلها واضحكوا معايا...
منوراني

غير معرف يقول...

ازيك

انا جايه ارد عندك ... علشان مابردش على حد

بس انتي غير كل المعلقين ... علشان العيش والشاي :))

المهم لا انا والله ماقصدت البرادعي ... بس اتمنى اننا ماننظرلوش انه المخلص القادم ونحوله لفرعون

طبعا فاتن مصر ... وست ... وفقير ... كل المقهورين

الصوره من فيلم شبح الاوبرا ... شوفي ع اليوتيوب ليهم اغاني تجنن :))

سلام يا جميل ... شكرا لذوقك

P A S H A يقول...

هههههههههههههه
استني كده !!
ههههههههههههه

يا خرابي يا جدعان ده الواحد طلع إمعه (مشتقه من الفرجه على أمي وهي بتقمع البامية)

:))

سلام

بحر الالوان يقول...

حرية النشر :
تمارسها السيدات على السطوح فى الاماكن الشعبيه
ــــــــــــــــــ
هههههههههههههههه...... فعلا اهم حاجة حرية النشر ... دي اول مرحلة من مراحل التغيير .

كده الواحد يقدر يبتدي مشواره السياسي علي نور .

تحياتي لك

micheal يقول...

وهو ده الكلام المفيد
:)
تحياتي

خواطر شابة يقول...

هذا ياعزيزتي ومازلنا نتقدم بخطى ثابثة نحو الخلف
ربي يستر من الايام والاجيال اللي جاية
تحياتي

sweet angel يقول...

وليتنا نفهم