topbella

الثلاثاء، ٢٧ يوليو ٢٠١٠

النسر الدجاجه (اعادة نشر )

أعزائي زوار المدونه الكرام نظرا لاني أمر هذة الفترة بحاله مختلطه ما بين

نضوب الأفكار في رأسي ...بالاضافه الي الانشغال الدائم...

وجدت أنه ربما يكون الحل في اعادة نشر بعض البوستات القديمه التي سبق نشرها

والتي أعتز بها عملا بالمثل القائل

التاجر لما بيفلس بيدور في دفاترة القديمه...

وهذا البوست من تلك البوستات ...

كتكوت صغير اشتراني غشيم ...
وسط الفراخ رباني ....
وأكلني حب وشعير .....
ملقيتش غيرة قمت كلت ....
وغصب عني ويا الفراخ كبرت....

عيشت وياهم نفس عيشتهم.....
مع ان أصلي في الأصل غيرهم...

في العشه ياما كتيرصعبت عليا نفسي ...
وقولت امتي ؟؟ هالقي يا رب نفسي ...


وف يوم قامت حريقه في العشه...


وبص الغشيم ليهم وليا بحسرة....
بعد ما ربانا ...
هنضيع من ايديه ...في لحظه !!!
لكنه من العجب قام فط نط ....
قال ايه استغرب اني طرت وهربت ...
وسأل نفسه ازاي قدرت ؟؟؟
أطير في السما وعن الفراخ فرقت...

لأ ...
وأنقذتله من فراخه اللي عليه قدرت...
أصل الغشيم ...
نسي اني أصلا في الاصل نسر....





هناك ٩ تعليقات:

mrmr يقول...

على الاصل دور
فعلا مهما التطبع غلب فالطبع غلاب

سلمت الايادى

ربنا يسعدك

أنا - الريس يقول...

لا فعلا دا غشيم غشم الدنيا والدين
مش شايف المنقار المعووج
أو لونه النبي الممزوج
باسود ولا حناجته اللي شبه الموج
بس السؤال بقي يظل محيرني هوا قلب كام فرخة
ولا انقذهم حبا في العشيم اللي رباه .
سلمتي علي القصة الشعرية النثرية .

sal يقول...

قصة جميلة

اصل الغشيم اسأ الفهم

والنسر يبقى نسر مهما جار عليه الزمن

حلوة الصور المرفقة

تحياتى

بحر الالوان يقول...

مش عارف ليه حريق العشه... فكرني بحريق القاهرة (نظرية المؤامرة بقي).... اوعي يكون النسر ده هو اللي علي العلم ؟ ... بصراحة لو هو يبقي نسر كسول قوي .


تحياتي

فاروق سحير ( فاروق بن النيل ) يقول...

البنفسج الحزين ........
سبق أن علقت على هذا الموضوع منذ عدة شهور ولن أعلق مرة أخرى دومتى أختاه

Unknown يقول...

البنفسج الحزين

ياترى أمتة النسور المصرية والمختفية ها تظهر
بجد أدعوا الله أن تظهر قبل الحريق حيث أنه أذا قامت الحريق فلم تترك أخضر ولا يابس..
نسئل الله السلامة

تحياتي لك

م / علي يونس

Haytham Alsayes يقول...

قصة جميلة

تحياتي

جلال كمال الجربانى يقول...

السلام عليكم

جميله وتوحى بالكثير

سلمت يداكِ

ودمتِ فى خير حال

amr imam يقول...

السلام عليكم
انا بعتذر انى مش جاى اعلق بس جاى ادعوكى للزيارة لانى طارح سؤال وعاوز مشاركتكم

تحياتى