topbella

الثلاثاء، 28 ديسمبر، 2010

قصه مسليه

واحد خياله وااااااااااسع قوي بيحكي قصه تخيلها
وقعد يرسم فيها اتفرجوا بقا علي الابداع....


كان ياما كان كان في ديك واقف علي الحافه....




والناس دول واقفين يتفرجوا ع الديك....




الناس دول باينين من الباب والباب بتاع البيت ده....





البيت ده في المزرعه دي.....


بس المزرعه دي بقا::: لعبه
اللعبه بتلعب بيها البنت دي
اللعبه نفسها صورة....
والصورة علي غلاف مجله...
المجله دي في ايد شخص...
الشخص دا قاعد قدام حمام سباحه....
حمام السباحه ده موجود علي ظهرسفينه....
والسفينه طبعا طبعا في البحر (مش عايزة فكاكه يعني)....
البحر بقا علي صورة.....


والصورة دي مرسومه علي الباص....




الباص طبعا ماشي في الشارع(أمال يعني هيمشي فين في الميه مش معقول)....




الشارع دا في برنامج في التلفزيون .....




والتلفزيون ده في الصحرا وبيتفرج عليه شخص....




الشخص ده بقا مرسوم علي طابع (يعني صورة هو كمان)






الطابع علي ظرف جواب والجواب ده في ايد الشخص الهندي ده....



والشخص الهندي واقف مع أهله الهنود التانيين ع الشط....





الشط بقا باين من شباك.....





الشباك ده شباك طيارة أصلا ...




الطيارة طايرة فوق البحر....







والبحر طبعا علي كوكب الأرض....





الأرض كوكب ضمن كواكب المجموعه الشمسيه








والمجموعه الشمسيه زي مانتوا عارفين في مجرة درب التبانه....








حمدلله ع السلامه

ايه رأيكم بقا في القصه اللي تدوخ دي .......





































هناك 39 تعليقًا:

خواطر شابة يقول...

انا فين انا مين انا تهت مني ههههه تصدقي بالله والله العظيم دخت وحأرجع أقرأ بتركيز لاني من مكان لمكان معدتش عارفة انا فين

MR.PRESIDENT يقول...

هههههه
لا حلوا بجد
وإن كانت اشتغالة بس جامدة

الدنيا كلها متركبة في بعضها .
زي الشمس اللي بترسل اشعتها .
والشمس مرسومة علي البازل
والبازل بتلعب بيه بنت أختي .
لما انت كنت بصورها صورة .
فقام أخويا مصورني وأنا بصور بنت أختي
بس بتاع النجتف حمضها بعض شهر
بتاع النجتف دا في بلدنا :))

أنا بلغلس بس .
بجد فكرتها ظريفة وحلوااااا

(هيبو) يقول...

هههه قصة رائعة
اعجبني الموضوع وربما سأقوم بتطبيقها على اشياء لاصل الى شيء

كنت اتمنى ان تدور القصة لتعود الى البداية ثم تجكى مجددا ومجددا الى اللا نهاية

سلام

حاجات جوايا يقول...

ههههههههه
حلوة اوووى
وما الدنيا الا مجموعة صور فوق بعضها :)
يسلمووو

P A S H A يقول...

هه ؟

sal يقول...

البنفسج المبهج
ههههههه
والله حكاية حلوة
وقراءتها مسلية وبحاول اتوقع
الخطوة التالية كل مرة
هههههه
نجحت توقعاتى مرات وفشلت مرات

كب سنة وانت بالف خير
ربنا يسعدك


تحياتى

P A S H A يقول...

‏:)
من أمتع وأجمل وأعمق ما قرأت من فترة
باشكرك باشكرك باشكرك على لحظات السعادة اللي عيشتها وأنا باقرا البوست الجميل ده ربنا يكرمك يا بنفسج يا رب ويفرح قلبك زي ما فرحتيني اللهم آمين
وإن شاء الله تكون سنة سعيدة عليكي كلها خير وسعادة وقرب من الله
في حفظ الله

وجع البنفسج يقول...

حلوة ومسلية وغيرت المود اللي احنا فيه ع هالصبح ، تسلم يا بنفسج ويا حزين ..

غير معرف يقول...

ههههههه لا حلوة بحق وحقيقة
أمّال القصة بتنتهي امتى، يعني هيا بتدور وتدور كدا عالفاضي، بس احلى حاجة عجبتني البنت الأمورة اللي كانت بتلعب في اللعبة وفي النهاية طلعت صورة في إيد الولد، والولد اللي عامل سي السيد ومرتاح طلع هو التاني من ضمن صورة أخرى، ايه اللغوصة دي. هههههه

فتاه من الصعيد يقول...

ههههههههههههه

دوختينا حرام عليكي :)

بس فكره جميله فعلا :)

تحياتي

Dr/ walaa salah يقول...

هههههههههههههه


دا واحد شارب حاجه من اللي بنشتغل بيهم يا امل هههههههههه


مشكوره يا حبيبتي على البوست الظريف

ماجد القاضي يقول...

السلام عليكم

جميلة جدا..

كنت رأيتها منذ عدة سنوات في دورة تنمية بشرية، وكنت أبحث عنها من يومها...

فشكرا على صور.. :)

فكرتها تدعو لبعض التأمل حول مدى صدق كل ما تراه أعيننا.. هل هو دائما حقيقي؟!!!

تحياتي أختي الكريمة.

البنفسج الحزين يقول...

خواطر شابه:
ههههههه دوختي وهو المطلوب مانا لما شوفت القصه دوخت برضه فقلت ادوخكم معايا وتبقي دوخه جماعيه ههههههه ....
تحياتي

البنفسج الحزين يقول...

سياده الريس
هي فعلا اشتغالة ....بس تشغل المخ....
وحلو التقليد بتاعك ده...
تحياتي

البنفسج الحزين يقول...

هيبو:
اولا اهلا بيك زائر جديد للمدونه
ومبسوطه ان البوست عجبك ...
بس كنت عايز القصه تطول وتتعاد وتدور اكتر من كده ...لا دي كانت تبقي صعب قوي ...هي كده تدوخ بما فيه الكفايه
تحياتي

البنفسج الحزين يقول...

حاجات جوايا:
مبسوطه قوي انها عجبتك ....
تحياتي

البنفسج الحزين يقول...

sal
ههههههه
برافو عليك هي دي فايده القصه انك تنشط خيالك وتتوقع الخطوة اللي جايه والله حكاية حلوة
كل سنه وانت بالف خير


تحياتى

البنفسج الحزين يقول...

باشا:
شكرا يا شريف ومبسوطه قوي قوي ان القصه عجبتك ودخلت لقلبك لحظات سعاده وبشكرك علي دعاؤك ليا ولك مثل ما دعوت ان شاء الله ..
كل سنه وانت طيب وفي احسن حال ان شاء الله

تحياتى

البنفسج الحزين يقول...

غير معرف:
ههههههه...
اشكرك وكويس ان القصه عجبتك
لا ماهي بتنتهي مش قالك البحر في الارض والارض في المجموعه الشمسيه والمجموعه الشمسيه في مجرة درب التبانه ...يعني الراجل ماسابكش تايه اهوة والله ما قصر ههههه
تحياتي

البنفسج الحزين يقول...

فتاة من الصعيد:
هههههه...دوختي يعني ماهو ده المطلوب أمال يعني ادوخ لوحدي هههههه
تحياتي

البنفسج الحزين يقول...

د.ولاء:
هههههههه...
لا شارب حبوب خيال علمي بس الصنف extra
مش مغشوش يعني هههههه

البنفسج الحزين يقول...

ماجد القاضي:
يا فندم انت تؤمر قولي بس بتدور علي ايه وانا شبيك لبيك تلاقيني جبتهولك هههههههه

انا بقا بشكرك بجد انك وصلت للمغزي الحقيقي من ورا القصه والصور اللي تلخبط دي اننا دايما شايفين نصف الحقيقه والنص التاني مستخبي وياما يظهر مع الايام او ممكن مايظهرش لينا من اصله...
تحياتي

sony2000 يقول...

لالالالالالالالالا
دي وحش.........حلوا:)

Tears يقول...

ههههههه

بيفتح السمكة مالقاش الخاتم

فكرتينى بعادل امام


سنة سعيدة و كل سنة و انتى طيبة

البنفسج الحزين يقول...

sony
ههههههه حلوة ولا وحشه مترسي علي بر أكيد قصدك حلوة صح
تحياتي

البنفسج الحزين يقول...

تيرز:
ههههههه
مبسوطه انها ضحكتك
سنة سعيدة و كل سنة و انتى طيبة

صبح يقول...

في الحقيقة الغرب فنانين هههه استطاعو جمه كل هذا في قصة
لكن هذه القصة جعلتني اتذكر اسة في القران الكريم تحكي كيف ان الله عالم بكل ذرة في الارض
للاسف الاية لا تحضرني الان

اسعدتني زيارة مدونتك الراااائعه

في انتظار زيارتك و ربما متابعتك لمدونتي الفتية

تحياتي

Noha Saleh يقول...

انا ايه اللى جابنى هنا:)

على فكرة مدونتك هايلة
تابعتها بس ماكنتش بعرف اعلق لان النت بطىء

البنفسج الحزين يقول...

صبح:
اسعدتني زيارتك وتشريفك للمدونه وان شاء الله هقوم بزيارة مدونتك حالا...
تحياتي

البنفسج الحزين يقول...

نهي صالح:
ههههه ايه اللي جايبك هنا
انتي أدري .....عموما نورتيني وشرفتيني
وكويس انك عرفتي تعلقي المرة دي ....
تحياتي يا قمر.....

arab video يقول...

هههههههههههههههههه
حلوة جدا

البنفسج الحزين يقول...

arab video:
أشكرك وأهلا وسهلا بيك

جارة القمر يقول...

فعلا من أحلى الافكار اللى شفتها حلوة جدا بجد

شكرا جدا جدا

فشكووول يقول...

السلام عليكم يا بنفسج يا اللى بتبهج
تحياتى
المهم فى القصه انها عرفتنا ان فيه بحر وفيه اتوبيس وفيه سماء وفيه درب التبانه اللى هى المجره اللى بتنتمى ليها المجموعه الشمسيه او ما يسمونها احيانا جلاكسى .
حكى جميل
تحياتى

mrmr يقول...

هههههه
فكرتينى بالبيضه عند الفرخه
والفرخه عن النجار
والنجار عايز مسمار
والمسمار عند الحداد
والحداد .......
الى مالا نهايه
هههههههههههه
توهتينى يا قمر
هو انا اصلا جايه عند مين !!!!
اه افتكرك ههههههه
وحشتينى يا قمر
كل سنه وانتى طيبه

Ramy يقول...

هههههههههههه

رائعة

تسلم أيدك (:

فاروق بن النيل يقول...

أمل( البنفسج الحزين)
إيه يابنتى حرام عليكى دوختينى بجد ومعقول كل ده يتشاف من مجرتنا الأرض دا حتى من الطيارة صعب ليه إنتى معقدانا كده حد زعلك فى حاجة
هـهـهـهـهـهـهـهـهـهـهـــــــــــــه

amiralcafe يقول...

إلى كل الشرفاء في تونس درة البلدان

نداء عاجل من وإلى شعب تونس وإلى كل الشرفاء : الرجاء الإلتفاف حول الأملاك الخاصة والعامة والتصدي للمخربين لأن العواقب ستكون وخيمة . الرجاء من جميع المدونين العرب في كل المواقع المحبين لي هذه الثورة كي تنجح نشر هذا النداء بكثافة و جزاكم الله خيراً

بإسم الإنسانية بإسم حبنا للوطن بإسم جميع الاديان كفانا عنفا كفانا قتلا كفانا تخريبا من أجل وطننا العزيز تونس العزيزة. إن تونس تضيع من بينا أيدينا .بإسمك يا رب فرج كربة تونس واحفظ اهلها من هذا الابتلاء الذي شمت فينا الأعداء. وعلى الشعب التونسي نبذ العنف بالتحضر والحوار .وليس هناك من خيار اما الحوار أو الدمار وإشعال النار..حزين ومتألما اقولها وارجو الخير لبلدي ولاهل بلدي ..يا رب ...أقسمت بالوطن وبعزة الوطن نحميك يا بلادي على مدى الزمن.
ارجوك ان تنشره في اي موقع

Timo.. يقول...

بجد حاسس ان راسي اتضربت في خلاط :)
ههههههههههههه..

بس جامدة قوووووووووووي..
يمكن لان خيالي واسع جدا انا كمان.. اتخيلت كل مشهد بتأني :)

صباحك ورد وبنفسج (';')