واحد خياله وااااااااااسع قوي بيحكي قصه تخيلها
وقعد يرسم فيها اتفرجوا بقا علي الابداع....
كان ياما كان كان في ديك واقف علي الحافه....
والناس دول واقفين يتفرجوا ع الديك....
الناس دول باينين من الباب والباب بتاع البيت ده....
البيت ده في المزرعه دي.....
بس المزرعه دي بقا::: لعبه
اللعبه بتلعب بيها البنت دي
اللعبه نفسها صورة....
والصورة علي غلاف مجله...
المجله دي في ايد شخص...
الشخص دا قاعد قدام حمام سباحه....
حمام السباحه ده موجود علي ظهرسفينه....
والسفينه طبعا طبعا في البحر (مش عايزة فكاكه يعني)....
البحر بقا علي صورة.....
والصورة دي مرسومه علي الباص....
الباص طبعا ماشي في الشارع(أمال يعني هيمشي فين في الميه مش معقول)....
الشارع دا في برنامج في التلفزيون .....
والتلفزيون ده في الصحرا وبيتفرج عليه شخص....
الشخص ده بقا مرسوم علي طابع (يعني صورة هو كمان)
الطابع علي ظرف جواب والجواب ده في ايد الشخص الهندي ده....
والشخص الهندي واقف مع أهله الهنود التانيين ع الشط....
والشخص الهندي واقف مع أهله الهنود التانيين ع الشط....
الشط بقا باين من شباك.....
الشباك ده شباك طيارة أصلا ...
الطيارة طايرة فوق البحر....
والبحر طبعا علي كوكب الأرض....
الأرض كوكب ضمن كواكب المجموعه الشمسيه
والمجموعه الشمسيه زي مانتوا عارفين في مجرة درب التبانه....
حمدلله ع السلامه
ايه رأيكم بقا في القصه اللي تدوخ دي .......
.jfif)
هناك ٣٩ تعليقًا:
انا فين انا مين انا تهت مني ههههه تصدقي بالله والله العظيم دخت وحأرجع أقرأ بتركيز لاني من مكان لمكان معدتش عارفة انا فين
هههههه
لا حلوا بجد
وإن كانت اشتغالة بس جامدة
الدنيا كلها متركبة في بعضها .
زي الشمس اللي بترسل اشعتها .
والشمس مرسومة علي البازل
والبازل بتلعب بيه بنت أختي .
لما انت كنت بصورها صورة .
فقام أخويا مصورني وأنا بصور بنت أختي
بس بتاع النجتف حمضها بعض شهر
بتاع النجتف دا في بلدنا :))
أنا بلغلس بس .
بجد فكرتها ظريفة وحلوااااا
هههه قصة رائعة
اعجبني الموضوع وربما سأقوم بتطبيقها على اشياء لاصل الى شيء
كنت اتمنى ان تدور القصة لتعود الى البداية ثم تجكى مجددا ومجددا الى اللا نهاية
سلام
ههههههههه
حلوة اوووى
وما الدنيا الا مجموعة صور فوق بعضها :)
يسلمووو
هه ؟
البنفسج المبهج
ههههههه
والله حكاية حلوة
وقراءتها مسلية وبحاول اتوقع
الخطوة التالية كل مرة
هههههه
نجحت توقعاتى مرات وفشلت مرات
كب سنة وانت بالف خير
ربنا يسعدك
تحياتى
:)
من أمتع وأجمل وأعمق ما قرأت من فترة
باشكرك باشكرك باشكرك على لحظات السعادة اللي عيشتها وأنا باقرا البوست الجميل ده ربنا يكرمك يا بنفسج يا رب ويفرح قلبك زي ما فرحتيني اللهم آمين
وإن شاء الله تكون سنة سعيدة عليكي كلها خير وسعادة وقرب من الله
في حفظ الله
حلوة ومسلية وغيرت المود اللي احنا فيه ع هالصبح ، تسلم يا بنفسج ويا حزين ..
ههههههه لا حلوة بحق وحقيقة
أمّال القصة بتنتهي امتى، يعني هيا بتدور وتدور كدا عالفاضي، بس احلى حاجة عجبتني البنت الأمورة اللي كانت بتلعب في اللعبة وفي النهاية طلعت صورة في إيد الولد، والولد اللي عامل سي السيد ومرتاح طلع هو التاني من ضمن صورة أخرى، ايه اللغوصة دي. هههههه
ههههههههههههه
دوختينا حرام عليكي :)
بس فكره جميله فعلا :)
تحياتي
هههههههههههههه
دا واحد شارب حاجه من اللي بنشتغل بيهم يا امل هههههههههه
مشكوره يا حبيبتي على البوست الظريف
السلام عليكم
جميلة جدا..
كنت رأيتها منذ عدة سنوات في دورة تنمية بشرية، وكنت أبحث عنها من يومها...
فشكرا على صور.. :)
فكرتها تدعو لبعض التأمل حول مدى صدق كل ما تراه أعيننا.. هل هو دائما حقيقي؟!!!
تحياتي أختي الكريمة.
خواطر شابه:
ههههههه دوختي وهو المطلوب مانا لما شوفت القصه دوخت برضه فقلت ادوخكم معايا وتبقي دوخه جماعيه ههههههه ....
تحياتي
سياده الريس
هي فعلا اشتغالة ....بس تشغل المخ....
وحلو التقليد بتاعك ده...
تحياتي
هيبو:
اولا اهلا بيك زائر جديد للمدونه
ومبسوطه ان البوست عجبك ...
بس كنت عايز القصه تطول وتتعاد وتدور اكتر من كده ...لا دي كانت تبقي صعب قوي ...هي كده تدوخ بما فيه الكفايه
تحياتي
حاجات جوايا:
مبسوطه قوي انها عجبتك ....
تحياتي
sal
ههههههه
برافو عليك هي دي فايده القصه انك تنشط خيالك وتتوقع الخطوة اللي جايه والله حكاية حلوة
كل سنه وانت بالف خير
تحياتى
باشا:
شكرا يا شريف ومبسوطه قوي قوي ان القصه عجبتك ودخلت لقلبك لحظات سعاده وبشكرك علي دعاؤك ليا ولك مثل ما دعوت ان شاء الله ..
كل سنه وانت طيب وفي احسن حال ان شاء الله
تحياتى
غير معرف:
ههههههه...
اشكرك وكويس ان القصه عجبتك
لا ماهي بتنتهي مش قالك البحر في الارض والارض في المجموعه الشمسيه والمجموعه الشمسيه في مجرة درب التبانه ...يعني الراجل ماسابكش تايه اهوة والله ما قصر ههههه
تحياتي
فتاة من الصعيد:
هههههه...دوختي يعني ماهو ده المطلوب أمال يعني ادوخ لوحدي هههههه
تحياتي
د.ولاء:
هههههههه...
لا شارب حبوب خيال علمي بس الصنف extra
مش مغشوش يعني هههههه
ماجد القاضي:
يا فندم انت تؤمر قولي بس بتدور علي ايه وانا شبيك لبيك تلاقيني جبتهولك هههههههه
انا بقا بشكرك بجد انك وصلت للمغزي الحقيقي من ورا القصه والصور اللي تلخبط دي اننا دايما شايفين نصف الحقيقه والنص التاني مستخبي وياما يظهر مع الايام او ممكن مايظهرش لينا من اصله...
تحياتي
لالالالالالالالالا
دي وحش.........حلوا:)
ههههههه
بيفتح السمكة مالقاش الخاتم
فكرتينى بعادل امام
سنة سعيدة و كل سنة و انتى طيبة
sony
ههههههه حلوة ولا وحشه مترسي علي بر أكيد قصدك حلوة صح
تحياتي
تيرز:
ههههههه
مبسوطه انها ضحكتك
سنة سعيدة و كل سنة و انتى طيبة
في الحقيقة الغرب فنانين هههه استطاعو جمه كل هذا في قصة
لكن هذه القصة جعلتني اتذكر اسة في القران الكريم تحكي كيف ان الله عالم بكل ذرة في الارض
للاسف الاية لا تحضرني الان
اسعدتني زيارة مدونتك الراااائعه
في انتظار زيارتك و ربما متابعتك لمدونتي الفتية
تحياتي
انا ايه اللى جابنى هنا:)
على فكرة مدونتك هايلة
تابعتها بس ماكنتش بعرف اعلق لان النت بطىء
صبح:
اسعدتني زيارتك وتشريفك للمدونه وان شاء الله هقوم بزيارة مدونتك حالا...
تحياتي
نهي صالح:
ههههه ايه اللي جايبك هنا
انتي أدري .....عموما نورتيني وشرفتيني
وكويس انك عرفتي تعلقي المرة دي ....
تحياتي يا قمر.....
هههههههههههههههههه
حلوة جدا
arab video:
أشكرك وأهلا وسهلا بيك
فعلا من أحلى الافكار اللى شفتها حلوة جدا بجد
شكرا جدا جدا
السلام عليكم يا بنفسج يا اللى بتبهج
تحياتى
المهم فى القصه انها عرفتنا ان فيه بحر وفيه اتوبيس وفيه سماء وفيه درب التبانه اللى هى المجره اللى بتنتمى ليها المجموعه الشمسيه او ما يسمونها احيانا جلاكسى .
حكى جميل
تحياتى
هههههه
فكرتينى بالبيضه عند الفرخه
والفرخه عن النجار
والنجار عايز مسمار
والمسمار عند الحداد
والحداد .......
الى مالا نهايه
هههههههههههه
توهتينى يا قمر
هو انا اصلا جايه عند مين !!!!
اه افتكرك ههههههه
وحشتينى يا قمر
كل سنه وانتى طيبه
هههههههههههه
رائعة
تسلم أيدك (:
أمل( البنفسج الحزين)
إيه يابنتى حرام عليكى دوختينى بجد ومعقول كل ده يتشاف من مجرتنا الأرض دا حتى من الطيارة صعب ليه إنتى معقدانا كده حد زعلك فى حاجة
هـهـهـهـهـهـهـهـهـهـهـــــــــــــه
إلى كل الشرفاء في تونس درة البلدان
نداء عاجل من وإلى شعب تونس وإلى كل الشرفاء : الرجاء الإلتفاف حول الأملاك الخاصة والعامة والتصدي للمخربين لأن العواقب ستكون وخيمة . الرجاء من جميع المدونين العرب في كل المواقع المحبين لي هذه الثورة كي تنجح نشر هذا النداء بكثافة و جزاكم الله خيراً
بإسم الإنسانية بإسم حبنا للوطن بإسم جميع الاديان كفانا عنفا كفانا قتلا كفانا تخريبا من أجل وطننا العزيز تونس العزيزة. إن تونس تضيع من بينا أيدينا .بإسمك يا رب فرج كربة تونس واحفظ اهلها من هذا الابتلاء الذي شمت فينا الأعداء. وعلى الشعب التونسي نبذ العنف بالتحضر والحوار .وليس هناك من خيار اما الحوار أو الدمار وإشعال النار..حزين ومتألما اقولها وارجو الخير لبلدي ولاهل بلدي ..يا رب ...أقسمت بالوطن وبعزة الوطن نحميك يا بلادي على مدى الزمن.
ارجوك ان تنشره في اي موقع
بجد حاسس ان راسي اتضربت في خلاط :)
ههههههههههههه..
بس جامدة قوووووووووووي..
يمكن لان خيالي واسع جدا انا كمان.. اتخيلت كل مشهد بتأني :)
صباحك ورد وبنفسج (';')
إرسال تعليق