دور في الدليل

القاموس السياسي دليل الشباب الروش لفهم الكلام الكبير ....

التغيير:

عملية شديدة الاهميه تتم للطفل عندما يكون مبلول ...

المبايعة :
ورقه بتكتبها لما تبيع عربيه قديمه ...

العولمه :

عملية تحول اجتماعى وثقافى وفنى تتزعمه فيفي عبده ....

الشفافيه:

سمة ضروريه للملابس المستخدمه فى العولمه ....

غسيل الاموال:

اسوأ ما يمكن ان يحدث لو نسيت المحفظه فى البنطلون قبل ما ترميه فى الحمام ...

عملية السلام:
زى عملية اللوز بالظبط بتنتهى برمي اللوز فى الزباله....

سلام عادل وشامل:
طيب عادل وعرفناه مين بقى شامل ده؟

التنوير:

عملية تتم فى الشوارع عندما يسكنها وزير...

الارهاب :

نوع من السطله يقدم مع الكباب

رجال الاعمال:
اشخاص يعملون على فك الربط للرجاله وعمل أحجبه للستات ...

الشريط الحدودى :
يكونش الشريط الجاى بتاع عمرو دياب...

عصر المعلومات:
عصر يمكنك ان تحصل فيه على ما تريد اذا دفعت المعلوم...

سياحة الاثار :
خروج الاثار مع الخواجات من مصر تتفرج على العالم ....

قصور الثقافه:
لا يزال وزير الثقافه يبحث عن السبب فى هذا القصور ...

المؤامرة الصهيونيه :
ماركة جديده من الشماعات نعلق عليها هدومنا واخطأنا ...

العمل بالسياسة :
يمارسه من يعمل سايس فى جراج....

البيئه :
شتيمه يطلقها الشباب على الطبقات الفقيرة ...

صندوق النقد :
ميفرقش كتير عن صندوق الزبالة ...

حرية النشر :

تمارسها السيدات على السطوح فى الاماكن الشعبيه ....

التعمير :
عملية تتم فى الغرزة ....

العمل الثورى :
مذكر العمل البقرى
قطاع الاعمال :
زى قطاع الطرق بالظبط ....

التربيه:
قديما كانت تقوم بها وزارة التعليم الان يقوم بها تجار المواشي ....

شهادة الايزو :
شهادة مضروبه بيشتروها زى ما الفلاحين بيشتروا شهادة نحو الامية ويدفعوا فيها كيلتين دره...

احمد زويل :
صنع فى مصر بس متجمع فى امريكا....

ملحوظه :(الكلام منقول من احدي المنتديات ...والصور ضفتها من عندي...)

بس عجبني وضحكني ....وحابه أعرف رأيكم فيه ....

من فضائل سيد الخلق...

ما اختص به الرسول دون غيره من الأنبياء:
عن جابر بن عبدالله بن عمرو بن حرام الأنصاري رضي الله عنهما قال

قال رسول الله صلى الله عليه وسلم (أعطيت خمسا لم يعطهن أحد من الأنبياء قبلي نصرت بالرعب مسيرة شهر وجعلت لي الأرض مسجدا وطهورا فأيما رجل من أمتي أدركته الصلاة فليصل وأحلت لي الغنائم ولم يحل لأحد قبلي وأعطيت الشفاعة وكان النبي يبعث الى قومه خاصة وبعثت الى الناس عامة )
فقوله صلى الله عليه وسلم نصرت بالرعب مسيرة شهر

قيل كان اذا هم بغزو قوم أرهبوا منه قبل ان يقدم عليهم بشهر ولم يكن هذا لأحد سواه...
واما قوله (وجعلت لي الأرض مسجدا وطهورا )فمعنى ذلك في الحديث الذي رواه الإمام أحمد في مسنده إن من كان قبلنا كانوا لا يصلون في مساكنهم وإنما كانوا يصلون في كنائسهم...

وقوله وطهورا يعني به التيمم فإنه لم يكن في أمة قبلنا وإنما شرع له صلى الله عليه وسلم ولأمته توسعة ورحمة وتخفيفا...
وقوله صلى الله عليه وسلم وأحلت لي الغنائم فكان من قبله إذا غنموا شيئا أخرجوا منه جزءا فوضعوه ناحية فتنزل نار من السماء فتحرقه ....
وقوله صلى الله عليه وسلم وأعطيت الشفاعة

يريد بذلك صلوات الله وسلامه عليه المقام المحمود الذي يغبطه به الأولون والآخرون والمقام الذي يرغب إليه الخلق كلهم ليشفع لهم الى ربهم ليفصل بينهم ويريحهم من مقام المحشر وهي الشفاعة التي يحيد عنها أولو العزم لما خصه الله به من الفضل والتشريف فيذهب الى الجنة قبل الأنبياء ...
وقول الخازن له بك أمرت لا أفتح لأحد قبلك وهذه خصوصية أيضا ليست إلا له من البشر كافة فيدخل الجنة فيشفع الى الله تعالى في ذلك كما جاء في الأحاديث الصحاح وهذه هي الشفاعة الأولى التي يختص بها دون غيره من الرسل ثم تكون له بعدها شفاعات

في إنقاذ من شاء الله من أهل الكبائر من النار من أمته

ولكن الرسل يشاركونه في هذه الشفاعة فيشفعون في عصاة أممهم

وكذلك الملائكة بل والمؤمنون ...
أما قوله صلى الله عليه وسلم وكان النبي يبعث الى قومه وبعثت إلى الناس عامة
فكان النبي ممن كان قبلنا لا يكلف من أداء الرسالة إلا ما يدعو به قومه إلى الله

وأما محمد صلوات الله وسلامه عليه ففي آي كثير من القرآن تدل على عموم رسالته الى الثقلين فأمره الله تعالى أن ينذر جميع إنسهم وجنهم وعربهم وعجمهم .....
فقام صلوات الله وسلامه عليه بما أمر وبلغ عن الله رسالته من خصائصه على إخوانه من الأنبياء صلوات الله وسلامه عليه وعليهم أجمعين أنه أكملهم وسيدهم وخطيبهم وإمامهم وخاتمهم وليس لنبي إلا وقد أخذ عليه الميثاق لئن بعث محمد وهو حي ليؤمنن به ولينصرنه وأمر أن يأخذ على أمته الميثاق بذلك قال الله تعالى (وإذ أخذ الله ميثاق النبيين لما آتيتكم من كتاب وحكمة ثم جاءكم رسول مصدق لما معكم لتؤمنن به ولتنصرنه قال أأقررتم وأخذتم على ذلكم إصري قالوا أقررنا قال فاشهدوا وأنا معكم من الشاهدين )وهذه خصوصية ليست لأحد منهم سواه...

ومن ذلك أن معجزة كل نبي انقضت معه ومعجزته صلى الله عليه وسلم باقية بعده إلى ما شاء الله وهو القرآن العزيز المعجز لفظه ومعناه الذي تحدى الإنس والجن أن يأتوا بمثله فعجزوا ولا يمكنهم ذلك أبدا الى يوم القيامة ....
ومن ذلك أنه صلى الله عليه وسلم أسري به الى سدرة المنتهى ثم رجع الى منزله في ليلة واحدة وهذه من خصائصه صلى الله عليه وسلم إلا أن يكون في الحديث من قوله بحيث يقول جبريل للبراق حين جمح لم أراد صلى الله عليه وسلم أن يركبه اسكن فوالله ما ركبك خير منه وكذا قوله في الحديث فربطت الدابة في الحلقة التي كانت تربط بها الأنبياء ما يدل على أنه قد قربهم ربهم

إلا أننا نعلم أنه صلى الله عليه وسلم لم يشاركه أحد منهم في المبالغة

في التقريب والدنو منه للتعظيم ...

ولهذا كانت منزلته في الجنة أعلاها منزله وأقربها الى العرش

كما جاء في الحديث ثم سلوا الله لي الوسيلة

فإنها منزلة في الجنة لا تنبغي الا لعبد من عباد الله

وأرجو أن أكون أنا هو فصلى الله عليه وسلم
ومن ذلك أن أمته اذا اجتمعت على قول واحد في الأحكام الشرعية

كان قولها ذلك معصوما من الخطأ بل يكون اتفاقها ذلك صوابا وحقا كما قرر

ذلك في كتب الأصول وهذه خصوصية لهم بسببه لم تبلغنا عن أمة من الأمم قبلها
ومن ذلك أنه صلى الله عليه وسلم أو من تنشق عنه الأرض

ومن ذلك أنه عليه الصلاة والسلام إذا صعق الناس يوم القيامة يكون هو أولهم إفاقة كما أخرجاه في الصحيحين من حديث أبي هريرة رضي الله عنه في قصة اليهودي لما قال

لا والذي اصطفى موسى على العالمين فلطمه رجل من المسلمين

وترافعا الى رسول الله صلى الله عليه وسلم فقال لا تفضلوني على موسى

فإن الناس يصعقون يوم القيامة فأكون أول من يفيق فأجد موسى باطشا بقائمة العرش

فلا أدري أفاق أم كان ممن استثنى الله وفي رواية أم جوزي بصعقة الطور

وقد حمل بعض من تكلم على هذا الحديث هذه الإفاقة على القيام من القبر....
ومن ذلك أنه صاحب اللواء الأعظم يوم القيامة ويبعث هو وأمته على نشز من الأرض

دون سائر الأمم يأذن الله له ولهم بالسجود في المحشر دون سائر الأمم

كما رواه ابن ماجه عن جبارة بن المغلس الحماني حدثنا عبد الأعلى بن أبي المساور

عن أبي بردة عن أبيه أبي موسى قال قال رسول الله صلى الله عليه وسلم إذا جمع الله الخلائق يوم القيامة أذن لأمة محمد في السجود فيسجدون له طويلا ثم يقال ارفعوا رؤوسكم فقد جعلنا عدتكم فداءكم من النار وجبارة ضعيف وقد صح من غير وجه

أنهم أول الأمم يقضى بينهم يوم القيامة.....
ومن ذلك أنه صاحب الحوض المورود وقد روى الترمذي وغيره أن لكل نبي حوضا

ولكن نعلم أن حوضه صلى الله عليه وسلم أعظم الحياض وأكثرها واردا .....
ومن ذلك أن البلد الذي بعث فيه أشرف بقاع الأرض ثم مهاجره على قول الجمهور وقيل إن مهاجره أفضل البقاع كما هو مأثور عن مالك بن أنس رحمه الله وجمهور الأصحاب ...
ما اختص به الرسول من الفضائل دون غيره من الناس....
فمن ذلك أن أزواجه أمهات المؤمنين قال الله تعالى (النبي أولى بالمؤمنين من أنفسهم وأزواجه أمهاتهم )ومعنى هذه الأمومة الإحترام والطاعة وتحريم العقوق ووجوب التعظيم لا في تحريم بناتهن وجواز الخلوة بهن ولا تنتشر الحرمة إلى من عداهن ...
وأزواجه أفضل نساء الأمة لتضعيف أجرهن بخلاف غيرهن ثم أفضلهن خديجة وعائشة
ويحرم نكاح زوجاته اللاتي توفي عنهن إجماعا وذلك لأنهن أزواجه في الجنة وإذا لم تتزوج المرأة بعد موت زوجها فهي له في الآخرة....

كما روي أن أبا الدرداء قالت له زوجته عند الاحتضار يا أبا الدرداء إنكا خطبتني إلى أهلي

فزوجوك وإني أخطبك اليوم إلى نفسك قال فلا تزوجي بعدي فخطبها بعد موته معاوية

وهو أمير فأبت عليه وروى البيهقي من حديث عيسى بن عبد الرحمن السلمي

عن أبي إسحاق السلمي عن صلة عن حذيفة أنه قال لامرأته إن سرك أن تكوني زوجتي

في الجنة فلا تزوجي بعدي فإن المرأة في الجنة لآخر أزواجها في الدنيا

فلذلك حرم على أزواج النبي صلى الله عليه وسلم ورضي الله عنهن

أن ينكحن بعده لأنهن أزواجه في الجنة ....
وكان اذا لبس لأمة الحرب لم يجز له أن يقلعها حتى يقضي الله أمره

لحديث يوم أحد لما أشار عليه جماعة من المؤمنين بالخروج الى عدوه الى أحد

فدخل فلبس لأمته فلما خرج عليهم قالوا يا رسول الله إن رأيت أن ترجع فقال

إنه لا ينبغي لنبي إذا أخذ لأمة الحرب أن يرجع حتى يقاتل...

وقد كان له صلى الله عليه وسلم الصفي من المغنم وهو أن يختار فيأخذ ما يشاء

عبدا أو أمة أو سلاحا أو نحو ذلك قبل القسمة وقد دل على ذلك أحاديث في السنن وغيرها

وكذلك كان له خمس خمس الغنيمة وأربعة أخماس الفئ ...

وصلي الله علي سيدنا محمد وعلي اله وصحبه وسلم ...

من كتاب الفصول في اختصار سيرة الرسول صلى الله عليه وسلم
للشيخ :أبو الفداء إسماعيل بن كثير....

مطعم أكل وبهججه

في شخصيات مميزةومتفرده ممكن تقابلها في حياتك مفيش منها اتنين ....

الشخصيه دي بتكون عندها صفه محوريه مسيطرة عليها بتتبني عليها كل حواراتها وتصرفاتها ......

يعني لما يذكر اسم الشخصيه دي تتبادر الي الذهن علي طول الصفه الملازمه ليها...

اتعاملت في حياتك مع شخصيات زي دي ؟؟

التلفزيون والسينما قدموا لنا كتير من الشخصيات دي زي مثلا :

مستر اكس النصاب العالمي اللي مدوخ الانتربول (فؤاد المهندس)

اللمبي (الشاب المصري ابن الحارة المصريه الصايع أبو دم خفيف)

القرموطي (الفلاحالفشار قوي مدعي العلاقات مع السياسيين والناس المهمه )

أبو حفيظه (الاعلامي المغرور اللي مش فاهم حاجه )

وتهامي باشا(منتج أفلام عصر الانفتاح ) ووديع( المساعد بتاعه)

كرومبو(المحقق والمكتشف) وطبعا ده التقليد العبيط لشخصيه المحقق جيمس بوند...

طب لو اتخيلنا حوار بين كل الشخصيات دي يا تري هيبقي ازاي..

المكان:مطعم (أكل وبهججه)

الذي يملكه تهامي باشا ...ووديع بقا هو الجرسون اللي بيقدم الطلبات للزباين ...

زباين المطعم حسب ترتيب الظهور هم اللمبي وامه فرنسا– القرموطي-المفتش كورومبو...

اللمبي: اول ما دخل المطعم :مع السلام عليكوا

فرنسا:ايه يا واد المطعم النص كم ده اللي انت جايبنا فيه ماهو انت لوكنت سمعت كلامي في حدوته شرم الشيخ

كان زمانا بناكل في الهتلون دلوقتي بس اعمل فيك ايه طالع فقري زي المرحوم أبوك...

اللمبي: ليه ياما بس كده دانا بحبك ياما...

اللمبي: مش كفايه انك لسه لابسه البطلون بتاعي ياما

وانا مرضيشت اخليكي تقلعيه وبقالي اسبوع بنام بالجاكيته بس....

فرنسا:لأ قلعهوني يا واد خليني استهوي....

راحوا علي اول طرابيزة وزاحوا الكراسي وطلعوا ملايه وفرشوها وقعدوا علي الارض

وفضل اللمبي يصقف للجرسون 3 دقايق متواصله حتي بعد ماالجرسون جه استمربرضه في التصقيف...

وديع :خلاص خلاص يا باشا انا جيت...

اللمبي:أصلك جاي مبسوط افتكرتك هتتشقلبنمرة يعني افتكرتها نمرة عاملينها في قلب المحل ...

وديع:مبتسما كالعادة...أأمرني يا باشا ...

اللمبي:انا عاوز شندوشت كبده بس تكون طازة يعني لسه البقرة

مقتوله وخارجه الكبده من بطنها ع النار علي طول

وديع:حاضر يا باشا

اللمبي: أقولك انت دخل البقرة نفسها الفرن علشان نضمن ان الكبده تستوي كويس

وديع: حاضر يا باشا

اللمبي:بس وحياةوالدك اتوصي

وديع :حاضر يا باشا

حط بصل كتير ...وفلفل كتير

وديع :حاضر يا باشا

ولا تيجي تقتل البقرة انت ...

وديع دخل يجهز الطلب للمبي...

فجأة ظهر واحد دخل رجل واحده للمحل وخرجها تاني...

وبعدين دخل راسه بس من الباب والقي نظرة ع المكان وبعدين خرجها تاني...

تالت مرة وبعد ما اطمن ان المكان متأمن ... دخل المطعم ...

اتجه ناحيه الطرابيزة اللي مديه وشها للحيطه وجر الكرسي بسرعه وقعد...

كان لابس نضارة تغطي تلات اربع وشه مش باين من وشه غير الشنبات...

وصقف 3صقفات بالعدد عشان ينده ع الجرسون :

وديع:أأمرني يا باشا

القرموطي:والنبي وحياة والدك كنت بس متأخذنيش في الكلام يعني ولو مفيهاش اساءة أدب

ولا رزاله يعني كده ولا يعني ...

وديعشاخطا: لا يا باشا مفيهاش اي حاجه م اللي بتقول عليها قول وخلصني...

هي الCIA مراقبه المكان...

وديع :ايييييييييييييييه

القرموطي:طب البرادعي مجاش امبارح سأل عليا ...

وديع :مييييييييييييين

القرموطي:والله انت شكلك كده مش عارف انت بتتكلم مع مين...

لأ مبدهاش لازم أعرفك بنفسي ...

فاكر لما أوباما جه مصر الصيفيه اللي فاتت دي واخدلي بالك انت لما خطب في الجامعه تحت القبه....

اتصل استأذني وقالي بعد اذنك يابا الحاج قرموطي محتاجين المطرح اللي تحت القبه

قد ساعتين زمن كدة...لو مفيهاش رزاله يعني ....معلش احنا بنتكلم ....

قلتله عيب تقول كده يابوالأوابيم قبه ايه اللي بتتكلم فيها ....احنا بينا كده برضوا ...

دانت لو عايز افضيلك الوطن العربي كله تقيلك فيه قد ساعتين زمن وقت العصاري ميغلاش عليك ...

بعتله رجالتي زوقوله القبه ولمعوها وخلوها تبرق أة ده كله الا أوباما ده حبيبي...

ده ميعملش حاجه ف أمريكا الا لما يشورني يا راجل داأنا اخر مرة روحت أمريكا

شالي رجل من رجول تمثال الحريه عشان الواد ابني الصغير لا مؤاخذة

كان عايز يهرش بيها معلش احنا بنتكلم يعني...

وديع:اييييييييييييييييه

طب قولي تطلب ايه عشان عندي زباين كتير في المحل...

القرموطي: والله انت شكلك مش مريحني وانا حاسس كده

انك قريب مرعي بتاع الكيليمه...

يللا ما علينا هاتلنا شويه شوربه ضفادع وكبد سحالي علي ذوقك كده

حكم أنا اصلي احب اكلي يبقي خفيف خفيف كده عشان عامل دايت ...

وذهب وديع لاحضارالطلب...

في اللحظه دي خرج تهامي باشا من مكتبه وعلي يمينه مزة بيضاء وعلي شماله مزة سمرا وألقي نظرة

سريعه ع الزباين ووجد زبون قاعد فاضي فنده علي وديع...

وديع ...يا وديع...

وجه وديع جري...

تهامي باشا:الزبون دة ايديه مش في محفظته ليه يا وديع ...

وديع:أصله يا باشا لسه داخل يا باشا وملحقتش يا باشا يعني يا باشا...

تهامي باشا :ملحقتش ؟؟؟ملحقتش ايه يا وديع...

خد ....قعد جنبه المزة دي تسليه علي ما الاكل يخلص

وديع :أستااااااااااااااااااذ

وفجأة صرخ القرموطي الحقوني ....

اه ياما اه يابا أنا كنت عارف ان الليله دي مش هتعدي علي خير....

فجري عليه تهامي باشا ووديع ....خير خير في ايه... ايه اللي حصل ...

القرموطي :أنا اتسرقت الكوفيه الصوف بتاعتي اتسرقت

دي كانت هديه من واحد صاحبي عزيز عليه قوي دي مفيش أختها في الشرق الاوسط كله ...

تهامي باشا: ليه يعني كانت هديه من مين ...

القرموطي : كانت هديه من كوفي عنان ...(مش بقولك كوفيه)

وحصلت هرجله وهيصه كبيرة قوي في المطعم ...

وعلي الفور استدعي تهامي باشا المفتش كورمبو علشان يحقق و يعرف مين اللي سرق الكوفيه ...

وانحصر الشك في ال 3أشخاص اللي كانوا موجودين في المطعم وقت السرقه

فرنسا واللمبي ووديع...

ولما سألنا الست فرنسا قالت:

كوفيه ايه دي اللي هاسرقها يا راجل يا موكوس ...

اللمبي :ياما ماتوديناش في داهيه ياما ده المفتش كورومبو لاحسن يحبسنا ...

فرنسا :اسكت يا واد بلا كورمبو بلا ابو جلمبو ...

دا انا فرنسا يعني لا أهل تلم ولا حكومه تهم ...

كورمبو : بعد ما فرنسا بعزقت كرامته ... وبعترت مواهبه الكشفيه ...

لم نفسه من سكات واستبعد فرنسا خالص وخرجها من دايرة الاشتباة ...

ولما سألنا اللمبي قال:

يا سعادة حضرت المفتش زورومبو ...

أنا اشاسا مكنتش قاعد في المطعم وقت السرقه عشان وانا قاعد لمحت واد صاحبي معدي برا المطعم

بالصتفه كان ليه عنده مبلغ كبير ...

خرجت جري من المطعم وقالتله فين ياد الخمشتاشر جنيه اللي عليك ...مبلغ كبيركبير يعني ...

وانت عارف دلوقتي الجنيه غلب الكارنيه والدنيا ضيقه ساعتك ....

يعني سياتك لو حققت حتلاقيني والله العظيم بيريئ ....

بيريئ بيريئ يعني ...

ولما جه وديع علشان كورومبو يسأله :

لاحظ كورمبو انه مخبي حاجه تحت يونيفورم المطعم اللي هو لابسه

وباين طرفها وهو مكلكع من تحت ياقه القميص ...

وهنا صرخ كورومبو وقال انا عرفت مين اللي سرق الكوفيه...

لو انتوا كمان عرفتوا محدش يتصل عشان مش هاتقابلوني قريب في اي حلقه جايه

لاني هاخد أجازة من الشغل وهاتجوز الست فرنسا اللي سحرتني وهي بتهزأني...

هي دي الست اللي كنت مستنيها من زمان ....

وهنا دخلت فرنسا مطبخ المطعم اللي اصبح بلا جرسون بعد القبض علي وديع

وخرجت بصينيه عليها كوبيات شربات ولما لقيت الكل في المطعم بيبصلها قالت في خجل :

كنت داخله أعمل كوبايتين شاي عشان نحبس بعد الاكل بس ملقيتش شاي جيبتلكوا شربات...

ولما اتكشف وديع واتعرف ان هو اللي سرق الكوفيه بتاعه القرموطي ...

حاول ينكر ورد علي المفتش كورومبو وراوغ وقال له اشمعنا...

ليه ماتهمتش تهامي باشا مهو كان معانا في المطعم وقت السرقه؟؟؟...

رد كورومبو وهوبيبص لوديع نظرة استهزاء وقال له طبعا مشكتش في تهامي لأنه صاحب المطعم وأكيد سمعته تهمه ...

وحادثه سرقه زي دي أكيد هتأثر علي سمعه المطعم وبعدين حرام منظلموش.....

( الراجل كان مشغول في مكتبه مع المزز طول الوقت يبقي هيسرق امتي )

اللمبي :انا دلوقتي عندي سؤال بعد اذنك :

كورومبو :اتفضل

اللمبي: يعني انت دلوقتي بتعاقبه عشان سرق ولا عشان معرفش يخبي اللي سرقه ...

كورومبو : شيلوا الواد ده من قدامي...

وردي وردي وردي

شوفوا بقا أنا قررت وعندا في بتوع عيد الحب (حقد بقا)

أنشر البوست اللي كله ورد في ورد ده

النهاردة مش امبارح...

(يعني تاني يوم عيد الحب )

وبما اني بامووووووووووووووووت في الورد...

وبحبه بكل ألوانه وأشكاله ...

وعشان كده سميت مدونتي علي اسم زهرة البنفسج

(أصلي دورت علي زهرة تكون حزينه ملقيتش أنسب من البنفسج

أصلها الزهرة الغامقه الوحيدة تقريبا ما علينا ) ....

وأكتر فصل بحبه في السنه هو الربيع ...

علشان كل الزهور بتتفتح فيه والجناين والشجر بيبقي منظرها رائع...

يعني طول مانت ماشي بتبقي شايف المنظر دة...

علشان كده أنا مبسوطه علشان الشتا بتشطب والربيع

قرب ييجي...

استمتعوا بالصور بقا ويا رب تعجبكم...

البنفسجه الحكيمه

وانا ماشيه في الجنينه....

شفت زهرة بنفسج جميله ...

من قلبي حسدتها ...وقلت يا بختها...

دي أكيد طايرة من السعادة...

والزهور اللي زيها ...ايه ممكن يعكر صفوها...

عطرها بيمتع الأنوف……

وجمالها بيسعد الألوف...

تطير فوقهاالفراشات وتحوم...

وجمالها يزيد يوم ورا يوم...

قربت منها ...

قلت أمتع نفسي بريحتها...

ولما قربت ...حقيقي استغربت...

لقيت عينيها من الحزن دبلانين....

سألتها ليه يا بنفسجه عيونك حزنانين....

ايه يا تري سبب حزنك...

دا الكل حاسدك علي حسنك...

ردت عليا بصوت مخنوق ...

قالتلي امتي يا انسان هتفوق ...

انت دايما كده يا انسان ...

يغرك المظهر ...ويبهرك المنظر ...

ما البراكين بتستخبي تحت الارض المتساويه...

والتعابين بتقرص وجلودها ناعمه وقويه...

وحضن الجبال م المعادن النفيسه ياما مخبيه...

وشوش الناس ياما خافيه حقايق ...

والحكيم ما يحكمش بالشكل ع الخلايق ...

وقالت لي اتعلم مني حكمه اليوم ...

عاشر بس حاذر ...

وصاحب أبو أصل حاضر...

اوعاك يا انسان تاني تغرك المظاهر ...

دي قلوب الناس ياما شايله م المواجع شوادر…