topbella

الاثنين، 7 فبراير 2011

ازاي




إزاي ترضيلي حبيبتي

أتمعشق إسمك وانتى

عماله تزيدي في حيرتي

وما انتيش حاسه بطيبتى

إزاي !
مش لاقي في عشقك دافع
ولا صدقي في حبك شافع
إزاي أنا رافع راسك

وانتي بتحني في راسي

إزاي!
أنا أقدم شارع فيكي

وآمالك م اللي باليكي
أنا طفل اتعلق بيكي

في نص السكه وتوهتيه
أنا لو عاشقك متخير
كان قلبى زمانه اتغير
وحياتك لفضل أغير فيكي

لحد ما ترضى عليه
وإزاي ترضيلي حبيبتي
إزاي سيبانى ف ضعفى

طب ليه مش واقفه ف صفى
وانا عشت حياتى بحالها
عشان مالمحش ف عينك خوف
وف بحرك ولا ف برك

إزاى احميلك ظهرك
وانا ضهرى ف اخر الليل
دايما بيبات محني ومكشوف

الاغنيه الرائعه دي تم تسجيلها قبل بداية اندلاع ثورة 25 يناير

ثورة مصر المباركه بمده وكان من المفترض انها تذاع في التلفزيون المصري

ولكن تم استبعادها ورفضها لان بها بعض الجمل التحريضيه

حسب ما قيل علي لسان كلا من منى الشاذلي ووائل الابراشي

واتذاعت امبارح حصري علي قناه دريم

بعداهداءها من المطرب محمد منير للقناة........


هناك 5 تعليقات:

sony2000 يقول...

دي لازم تتنشر عند الكل
بجد ولا أروع

غير معرف يقول...

الله يرزقكم من عنده نصرا عاجلا معجلا
تحية من المغرب الأقصى

ماجد القاضي يقول...

السلام عليكم

الأغنية جميلة فعلا..
والأهم إن صور الثورة راكبة قوي عليها..

شكرا على تعريفي بها..

تحياتي أختي الكريمة.

Tears يقول...

جميلة

محمد منير شخصية محترمة

فاروق بن النيل يقول...

أمل ........
بذمتك الإغنية دى فيها تحريض بس عشان تعرفى النظام السابق كان أد إيه كذاب ومتشكك فى كل شيئ وعلى فكره سمعتها وبصور من ثورة 25 يناير الرائدة وضحاياها والعنف الذى إستخدم وأبى الله إلا أن يطبق مكره عليهم وهو خير الماكرين" ويمكرون ويمكر الله والله خير الماكرين" صدق الله العظيم
أغنية رائعة ياأمل رفعت أسهم محمد منير
عاليا بعد أن سقط تامر حسنى من قلوب المصريينشكرا لكى أختى الفاضلة