topbella

الخميس، 7 يناير، 2010

اضحك مع الشارع المصري



الصور دي شفتها بالصدفه علي احدي المنتديات
ضحكت كتير عليها وحبيت أضحكوا معايا
علشان اللي بيضحك لوحده يزور...
الصور كلها متصورة في الشارع المصري
مهو محدش يقدر
يعمل كده غير المصريين...
طبعا المصريين
اهمااااااااااااااااااا
وعلي كل صورة تعليق
من عندي ...


ادي اخرة السربعه ...أهي الست نسيت و
نشرت المواعين بدل الغسيل


ودي خريطه بنساهم بيها في مساعدة اخوانا الطلبه بمناسبه موسم الامتحانات ...
ومتنسوس قلمك ومسطرتك في كيسك...
اللي هاتكتبه موجود في الخريطه...
واللي هيستخدمها
بعد الامتحان هنديلهم 6جنيه وربع يشتريولهم قزازة بيرة...

وده عمي حيسي
ولا عمي ألوان
ولا عمي فواكه
ولا ايه
بالظبط....


شوفوايا اخوانا احنا في
مرحله حساسه من عمر الوطن
والمشاركه يا جماعه شئ أساسي...
ومينفعش حد
يسيب حد لوحده ابدا مهما كانت الأسباب....



ده المعلم فتوح لسه قافل الورشه
وركب الزلمكه وقبل مايروح
عدي يشوف مزاجه ع الطاير كده...
هع هع هع

أمال لو مكنش سياحي كان هيسميه ايه....

كركركركركركر



هناك 29 تعليقًا:

P A S H A يقول...

مش عارف أنا إيه الجهل ده ؟؟ مش قادر يفرق بين الموز والعنب !!
 
بس بجد الصورة بتاعة التواليت دي جامده .. أصل أنا ساعات باسرح في القراية في الحمام .. إنما بالطريقة دي الواحد ممكن يبدل القعدة عشان ما يحسش بزهق ههههههه

تحياتي

خواطر شابة يقول...

حلوة الصور والتعليق أحلى ومكمل لها
عجبتني صورة الموز الفاخر احيانا هذا وأيضا عنوان المحل تستعمل كوسائل للجذب وكأسلوب للدعاية يعني نوع من الفهلوة التي لاتضر أحدا
تحياتي لك

البنفسج الحزين يقول...

pasha:
المدونه نورت يا فندم بس قولي
دخلت برجلك اليمين ولا نسيت...

هههههههه عنب ايه بس
حتي انت يا بروتس

أنا برضه كنت بقرا في الحمام بس
ده كان زمان أيام التلمذة...
شرفتني بجد في أول زيارة ليك لمدونتي المتواضعه...

البنفسج الحزين يقول...

خواطر شابه
متشكرة قوي ع المجامله...
بتقولي دعايه:
يعني مخبز العبيط ده دعايه ؟؟؟
دي دعايه منيله ب60 نيله
يعني وانا نازله اشتري اقولهم
انا رايحه اشتري عيش من العبيط...
مش هيرضوا ينزلوني هيخافوا عليا ههههههه

ستيته حسب الله الحمش يقول...

بالنوسبة للصور تجنن صور الأطباق المنشورة
عاملة زي يجي ابويا يقول لي اعملي قهوة اعمله فيسكافيه واسقيه لمامي

بالنسبة للموز فهو من الشعب المطحون يا عين امه عمره ما شاف فاكهة الشنكليح قبل كده وكان بيشتهي الموز

بالنسبة للشيشة دي عادية خالص
ايه مشفتيش كافيه علاء الدين اللي قدام نادي الصيد في الدقي؟
الشيشة كلها مرصوصة جنب العربيات ومساك عسل ياااااااااااااااا عثل :)

خواطر شابة يقول...

الدعاية المقصود بها هنا الجذب ولفت الانتباه فبين كل المحلات المشابهة ستجدين محله الاشهر لان الاسم غريب يشد الاذن

البنفسج الحزين يقول...

د.ستيته:
ستات مدهوله بعيد عنك

وبالنوسبه للشنكليح اللي بيقولوا عليه موز:

دي عامله زي الموظف ياعين أمه
اللي جاب ورقه وكتب عليها لحمه وأكلها

وبالنسبه للشيشه أنا طبعا
مشفتش كافيه علاء الدين اللي بتقولي عليه
لأني مش من سكان القاهرة
ومساااااااااء الفل يا عثل

sal يقول...

الست انت فاكراها نسيت و
نشرت المواعين بدل الغسيل
لالالالالالا
دى ناصحة قوى
دى عايزة المواعين تنشف
عشان ما تاكلهاش البارومة
اما المخبز يمكن دا اسم صاحبه واحنا مش عارفين
محتاجين فعلا نضحك شويتين
تحياتى

البنفسج الحزين يقول...

خواطر شابه

والله نظريه برضه

sal:
يعني الست واعيه واحنا
فاكرينها مدهوله
بس ده معظم المواعين
أطباق ميلامين
يعني مش بتصدي أصلا...
ما علينا اكيد
المعني في حبل الشاعر هههههههه
ويمكن فعلا صاحب المخبز
اسمه الحاج عبيط
تحياتي ليك وأسعدني مرورك

بحر الالوان يقول...

صور جميلة فعلا ....بس مصر دايما هاتفضل بلد العجايب ... بلد الاثار والتحف .

بالنسبة لفرن العبيط ..... اعتقد انه سما نفسه بالاسم دا لانه فاتح فرن سياحي وبيشتري الدقيق بالسعر الحر ..... اما لو فتح فرن عادي ..... كان هايخد الدقيق المدعم ويبيعه باضعاف اضعاف تمنه .

تحياتي

أم .. بوبه يقول...

بجد حلوييييييين اوى

تخيلى لما شوفت صورة الحمام مفهمتش المشكلة فين

بس لما قريت تعليقك قولت يا لهههههههههوى صحيح إيه العبط ده هههههههههههههههههههه كان مخه فين إللى عمل الحمام ده

الآمير أمير شهريار حسن الدين يقول...

هههههههههه

هو دة الشعب المصرى

تعرفى رغم كل جاجة بشوفها توجع القلب وفى عزها احنا بنضحك وبنفرح وبنغير جو دة يدل على اننا شعب عظيم بس عايز حبة نصايح حلوة كدة عشان يعرف يجيب حقة

تحياتى

micheal يقول...

ههههههههههههههه..عجبني أوي الموز اللي بيستهبل ده ولا الراجل أبو خرطوم في العربية
:))
تحياتي

البنفسج الحزين يقول...

#بحر الألوان:

هههههه شكرا للتوضيح كده بقي علي مسمي...

#أم بوبه:

هههههه فعلا أنا برضه لأول وهله ما حسيتش ان في مشكله بس لما فكرت
فمتو ثانيه فهمت علي طول ..
هو تقريبا كان في حيطه بينهم
واتهدت ده المنطقي يعني...

#الأمير أمير شهر يار حسن الدين:

اولا اسمك حلو قوي
محسسني ان انا في ألف ليله وليله
والله بجد دي مش تريقه ابدا ده اعجاب...
بس هو طويل حبتين ...

ثانيا طبعا بارحب بيك
زائر جديد للمدونه
واتمني تتكرر الزيارة...

فعلا احلي حاجه فينا كشعب
هو خفه دمنا
والسخريه حتي من نفسنا
وأحوالنا العجيبه
وده يمكن اللي مخفف عننا
ومهون علينا المصايب
اللي بلدنا فيها...
تحياتي

البنفسج الحزين يقول...

مايكل:
هههههههه حلوة قوي الموز اللي بيستهبل دي
منورني

mohamed ghalia يقول...

هههههههههههههههه
جميلة أوى الصور
عمار يامصر

أحمد الصعيدي يقول...

وهكذا أصبحا من دول العالم التالت ( بعد المئة )

البنفسج الحزين يقول...

محمد غاليه:
يا 100اهلا وسهلا
بقالك كتير
مش بتزورنا ليه؟؟
وحشتنا تعليقاتك
عموما كويس ان الصور عجبتك...

أحمد الصعيدي:
الشاعر الجااامد قوي:

الثالث بعد المائه
بس دي بعيده قوي هههههههه
أشكرك وتحياتي ليك...

Copa Zaki يقول...

looooooooooooooooooool da fe group 3ala el facebook nafs el gaw da saba7 el tahys beta3 el masryen awy

منى يقول...

بعض الناس بتاخد الصور دي كتريقة على الشعب المصري لكنهم للأسف مش بيعرفوا إن الشعب المصري شعب جميل وبسيط وجماله في خفة دمه وأخد الحياة ببساطة رغم كل ظروفه اللي بيعاني منها
الصور جميلة عجبتني الصورة الاولى والتانية بتاعت الخريطة فكرتني بإمتحان الICDL وإختراع طريقة علشان يغشوا فيه.

في حفظ الرحمن

ستيته حسب الله الحمش يقول...
أزال أحد مشرفي المدونة هذا التعليق.
البنفسج الحزين يقول...

مني:
اهلا بيكي
أنا شخصيا الخريطه
دي أكتر صورة عجبتني عشان
ده تعبير علي مدي ذكاء وفهلوة
الطالب المصري هههههههه
تحياتي

Mr.Hazem يقول...

بدايةً كيفك وكيف امورك ان شاء الله تمام
اشتقتلكم كتير بعد هذا الانقطاع الغير قصير , اتمنى ان لا تكونوا قد نسيتموني وان اكون صديقاً عزيزاً لديكم تفتقدموه وقت غيابة
صراحة تحمر وجنتي خجلاً بهذا الانقطاع عن مدوناتكم وحروفكم التي كنت اموت شوقاً لرؤيتها , ولكن للأسف الشديد ابى مرضي الا ان يبعدني عنكم طوال هذه الفترة

عدت عليكم من جديد , احمل اليكم مجموعه من الافكار والمقترحات
فأنتظركم ليطيب بكم اللقاء

مع اطيب امنياتي
اخوكم
حازم

البنفسج الحزين يقول...

الف الف الف حمدلله
علي سلامتك يا حازم
احنا كمان انا وكل
اخوانك المدونين المصريين
افتقدناك ووحشتنا جدا
وانت طبعا صديق عزيز
ربنا يتمم لك الشفا
وعود أحمد...
يللا مستنيين بوستاتك الجديده ... 

البنفسج الحزين يقول...

Copa zaki:
معلش انا كتبت لك الرد
من امبارح بس اتضح
لي انه منزلش مش عارفه ليه
المهم اهلا وسهلا بيك
وعموما انا مليش في الفيسبوك
انا واخده الصور دي من
منتدي كده مش فاكرة حتي اسمه
تحياتي

صفــــــاء يقول...

هى دى مصر
والنبى احنا حقيقي ناس دمنا خفيف

ميرسيه على الصور المضحكه دى
ولتعليقاتك الظريفه

البنفسج الحزين يقول...

صفاء
منوراني
طبعا احنا ناس
اخرحلاوة وسكر وعسل
وكل حاجه ملزقه
تحياتي وانسطت
ان الصور والتعليقات
عجبوكي

الغاردينيا يقول...

ههههههههه

حبيت بجد صورة خريطة الامتحانات دي

هههه قريب تبدا امتحاناتي افكر انسخ

الصورة واوزعها ^_^ بمزح طبعا

جميل جدا ان شاركتيني بالضحكة دي

ودي واحترامي

البنفسج الحزين يقول...

الغاردينيا:
هههههههه أولا انا خدت وقت علي مافهمت اسمك
أصل انتوا بتكتبوا الجيم غين أنا عارفه زهرة الجاردينيا...بس فين وفين لما فهمت انك تقصديهاههههه
المهم اني وصلت ف الاخر أهلا وسهلا بيكي في مدونتي المتواضعه...وانا مبسوطه قوي ان الصور عجبتك وادخلت البسمه الي قلبك...وبالنسبه للامتحانات ربنا يوفقك ولو حبيتي تستعيني بالخريطه مفيش مشكله بس اوعي المراقب يشوفك هههههههه...