topbella

الاثنين، ١٥ فبراير ٢٠١٠

وردي وردي وردي


شوفوا بقا أنا قررت وعندا في بتوع عيد الحب (حقد بقا)

أنشر البوست اللي كله ورد في ورد ده

النهاردة مش امبارح...

(يعني تاني يوم عيد الحب )

وبما اني بامووووووووووووووووت في الورد...

وبحبه بكل ألوانه وأشكاله ...

وعشان كده سميت مدونتي علي اسم زهرة البنفسج

(أصلي دورت علي زهرة تكون حزينه ملقيتش أنسب من البنفسج

أصلها الزهرة الغامقه الوحيدة تقريبا ما علينا ) ....

وأكتر فصل بحبه في السنه هو الربيع ...

علشان كل الزهور بتتفتح فيه والجناين والشجر بيبقي منظرها رائع...

يعني طول مانت ماشي بتبقي شايف المنظر دة...

علشان كده أنا مبسوطه علشان الشتا بتشطب والربيع
قرب ييجي...

استمتعوا بالصور بقا ويا رب تعجبكم...





























هناك ١٨ تعليقًا:

sal يقول...

شوف الزهور بقى واتعلم

كل ربيع وانت بخير

لــــ زهــــــراء ــــولا يقول...

ايه الوورووووود الجميله دى كلها
على فكره البنفسج مش مجدر زهره حزينه لكنه زهره هاديه وتحتاج الى رعايه خاااااااااااااااااصه اوى
انتى عارفه ان الحب زى الزهور لازم تعتنى به علشان يعيش اطول فتره ممكن
تقبلى اجمل باقات الزهور

sony2000 يقول...

انا اول مره اشارك هنا وباذن الله موش هتكون الاخيره
بجد شكلها حلو موووووووت وبالذات الورده البنفسجيه علشان دا اللون المفضل ليا
تقبلي مروري وتحياتي

Mano يقول...

شوية ورد
يفتحوا النفس
ويهدوا الاعصاب
تسلم ايديك

البنفسج الحزين يقول...

sal
فعلا والله الزهور مدرسه من صنع الخالق عز وجل بنتعلم منها الذوق والفن والجمال وتناسق الألوان...يعني الست مكدبتش لما قالت شوف الزهور واتعلم...
دمت بخير

البنفسج الحزين يقول...

لولا وزهراء:
معاكي حق البنفسج زهرة هاديه ومحتاجه عنايه خاصه
(بس مش عارفه ليه دايما بيقولوا علي البنفسج حزين تفتكري فعلا علشان لونه غامق ..امممممممم مش عارفه...
تحياتي

البنفسج الحزين يقول...

sony2000:
بارحب بيك في أول زيارة للمدونه ويا ريت تتكرر...
ومبسوطه انك بتحب البنفسج ...
(ده دليل علي ذوقك)
تحياتي

البنفسج الحزين يقول...

mano:
مبسوطه قوي ان الورود عجبوك ...
ومعاك حق جمال الزهور وألوانها بتضفي بهجه وسعادة وراحه للأعصاب علي المكان اللي موجوده فيه والناس اللي عايشين في المكان...
محتاجين قوي الزهور في حياتنا دلوقتي اللي كلها تعب أعصاب وتوتر ...
تحياتي وأتمني تتكرر الزيارة...

أحمد الصعيدي يقول...

دوما يبقي الامل الذي تتناغم به أوراق الزهور

السلام عليكم

ستيتة يقول...

اه كده يبقى صباحي صباح الفل فعلا

عارفة محمد هنيدي في مسرحية حزمني يا لما كان عامل سونيا الجزء التالت يا راجل
ومشبك ايده وبيقول ببص في المرايا وبحمد ربنا

اهو انا بحمد ربنا بنفس طريقته علشان دي اول مدونة افتحها النهاردة

خواطر شابة يقول...

يا ورد مين يشتريك وللحبيب يهديك

يهدي إليك الأمل الهوى والقبل : يا ورد

ابيض غار النهار منه خجول محتار

باس الندى ف خده وجرت عليه الأغصان

راح النسيم واشتكى جرح خدوده وبكى

أفدي الخدود التي تعبث في مهجتي

يا ورد ليه الخجل فيك يحلو الغزل : يا ورد

يا ورد يا احمر قول لي مين ده اللي جرحك

جرح شفايفك وخلى على شفايفك دمك

شقت جيوب الغزل وانبح صوت القبل

على الشفاه التي تشرب من مهجتي

يا ورد ليه الخجل فيك يحلو الغزل يا ورد

أصفر من السقم أم من فرقة الأحباب

يا ورد هون عليك عاد بلبلك ولهان

يسأل عليك الرب والزهر والانهار

يهتف أين التي وهبتها مهجتي

يا ورد ليه الخجل فيك يحلو الغزل يا ورد

اغنية محمد عبد الوهاب
صباحك ورد

Unknown يقول...

صور حلوة بس صناعى

البنفسج الحزين يقول...

أحمد الصعيدي:
دايما تعليقاتك ماقل ودل بس في الصميم ( شاعر بقا) تحياتي...

البنفسج الحزين يقول...

د.ستيته حبيبه المدونين:
يا صباح الفل والورد والياسمين ...
أنا مبسوطه قوي اني عرفت أفلل صباحك(أفلل: أي أجعل صباحكي فلاً )قلبتها فصحه أهوة...
وكويس انها كانت أول مدونه تفتحيها الصباح ده...ده شرف لينا يا فندم...
أمال لأ أمال طبعا...دي بمناسبه حزمني يا...

البنفسج الحزين يقول...

خواطر شابه:
جميله قوي قوي الاغنيه أنا عارفاها من زمان طبعا بس مش حافظه كلماتها متشكرة ليكي جدا انك فكرتيني بيها...أغنيه مناسبه تماما للبوست ...
تحياتي وصباحك بكل ألوان وروايح وجمال الورود..

البنفسج الحزين يقول...

العيسوي الصغير:
برحب بيك زائر جديد للمدونه...
بس افتكر ان الصور كلها ورد طبيعي مش صناعي خالص
تحياتي...

غير معرف يقول...

جميل يا امل الصور ... جميله بجد

حاجه مبهجه

تسلم ايدك ... وعينك :)

تحياتي

بحر الالوان يقول...

دا مش بوست ... دا بوكيه بحاله ..... عموما جميل الورد بس عمره قصير للاسف .

تحياتي